ہمایوں سعید فلموں کے لیے سنجیدہ ہوگئے

اداکار ہمایوں جو ٹیلی ویژن کے اس وقت سب سے زیادہ مصروف اداکار ہیں جو اداکاری کے ساتھ پروڈکشن میں بھی مصروف ہیں۔


لیکن ٹیلی ویژن کی مصروفیات کے باوجود ان کی توجہ فلم کے بڑے اسکرین پر ہے وہ اب تک پانچ فلموں میں کام کرچکے ہیں انھوں نے ہمیشہ اس خواہش کا اظہار کیا کہ میرا اصل ہدف فلم کا بڑا ااسکرین ہے کیونکہ سنیما کا اپنا ایک لطف ہے اور دنیا بھر میں آج بھی سنیما سب سے مقبول ہے۔

اپنے ایک انٹرویو میں انھوں نے کہا وہ ان دنوں فلموں کی پروڈکشن میں بھی مصروف ہیں ان کی ایک فلم جو کرکٹ کے موضوع پر ہے ''بوم بوم'' وہ پچاس فیصد مکمل ہوچکی ہے جس پر کام تیزی سے جاری ہے جب کہ وہ جلد ایک اور فلم''کمبخت'' کی فلم بندی کرنے والے ہیں ان دونوں کی وجہ سے پاکستان میں فلم کے حوالے سے سرگرمیوں کا بھی آغاز ہوگا۔