کرینہ شادی کی چوتھی سالگرہ منانے شوہرسیف کے پاس کیرالہ پہنچ گئیں

بالی ووڈ کی ورسٹائل اداکارہ کرینہ کپور شادی کی چوتھی سالگرہ منانے کیرالہ پہنچ گئیں جہاں ان کے شوہر اور اداکار سیف علی خان اپنی نئی آنے والی فلم شیف کی شوٹنگ میں مصروف ہیں۔

بھارتی میڈیا رپورٹس کے مطابق کرینہ اپنے پہلے بچے کی پیدائش کے حوالے سے خبروں کی خاصی زینت بنی ہوئی ہیں، اداکارہ حاملہ ہونے کے باوجود فلموں میں اداکاری اورمختلف فیشن شومیں بھی بڑے جوش و خروش سے شرکت بھی کررہی ہیں تاہم اب اداکارہ اپنی شادی کی چوتھی سالگرہ منانے بھارتی ریاست کیرالہ پہنچ گئی ہیں جہاں چھوٹے نواب سیف علی خان اپنی آنے والی فلم "شیف" کی شوٹنگ میں مصروف ہیں.

اس خبر کو بھی پڑھیں: کرینہ کپور کی حاملہ ہونے کے باوجود ریمپ پر واک


دوسری جانب سیف علی خان بھی کرینہ اوراپنے پہلے بچے کی دسمبر میں پیدائش کے حوالے سے کافی پرجوش ہیں اورفلم "شیف" کی شوٹنگ وہ دسمبر سے پہلے ہی مکمل کرنا چاہتے ہیں تاکہ وہ کرینہ کے ساتھ زیادہ سے زیادہ وقت گزارسکیں۔

اس خبر کو بھی پڑھیں: حمل کے دوران جلد اور بال خوبصورت ہوگئے ہیں

فلم کے ہدایتکارراجا کرشنا کا اس حوالے سے کہنا تھا کہ ہماری پوری کوشش ہوگی کہ فلم کو دسمبر سے پہلے ہی مکمل کرلیں جب کہ فلم کے کچھ رہ جانے والے مناظرکو ہم بعد میں بھی عکسبند کرا سکتے ہیں۔