بلوچستان میں ایف سی کو پولیس کے اختیارات دینے کی تجویز

سپریم کورٹ میںبلوچستان سے متعلق کیس میںآئی جی ایف سی کے جواب میں کہا گیاہے کہ یکم جنوری سے 20 جولائی تک بلوچستان میں دہشت گردی کے829واقعات ہوئے جن میں 429افراد لقمہ اجل بنے، ہلاک شدگان میں 59ایف سی اہلکار،29پولیس والے،7فوجی اور 326شہری شامل ہیں جبکہ ایف سی پر169، پولیس پر 35اور لیویز پر 9حملے ہوئے۔


عدالت کوتجویزدی گئی ہے کہ جن آٹھ افرادکوپیش کرنے کاحکم دیاگیاتھا اگراس کی تحقیقات ایف سی سے کرانی ہے توپولیس کااختیاردیاجائے یا پھرآزادانہ کمیشن تشکیل دیاجائے۔بی بی سی کے مطابق آئی جی ایف سی نے رپورٹ میں تجویز دی ہے کہ ایف سی کو پولیس کی طرح تفتیش کے اختیارات دیے جائیں تاکہ ایسے افرادکے خلاف موثر طریقے سے کارروائی کی جاسکے جو حملوں میں ملوث ہیں۔رپورٹ میں یہ بھی کہاگیا ہے کہ سپریم کورٹ کے حکم پر ایک کمیشن تشکیل دیا جائے اور لاپتہ افرادکے مقدمات اس کمیشن کو سونپ دیے جائیں۔