سوئی گیس کے پریشر میں کمیخواتین کو مشکلات کا سامنا

شہر کے مختلف علاقوں میں سوئی گیس کے پریشر میں کمی نے شہریوں خصوصاً خواتین کو شدید مشکلات سے دوچار کر دیا ۔

سوئی گیس پریشر میں کمی سے پکوان سینٹروں میں تقاریب کے لیے پکوائے جانے والے کھانے بھی بڑی مشکل سے تیار کیے گئے ، شہریوں کی بڑی تعداد نے ہوٹلوں اور دیگر فاسٹ فوڈ ریسٹورانٹ سے کھانا خرید کر گزارا کیا ، شہریوں نے ایکسپریس کو بتایا کہ بجلی کی لوڈشیڈنگ کے ساتھ سوئی گیس کے پریشر میں کمی نے انھیں دہری مشکلات سے دوچار کر دیا ۔




چولہے میں سوئی گیس کا اتنا پریشر بھی نہیں آرہا کہ کھانا یا روٹی پکائی جا سکے ، سوئی گیس کے پریشر میں کمی کے باعث ناظم آباد ، پاپوشنگر ، نارتھ ناظم آباد ، گلبہار ، پاک کالونی ، فیڈرل بی ایریا ، گلشن اقبال ، ابوالحسن اصفہانی روڈ ، صفورہ گوٹھ ، پہلوان گوٹھ ، گلستان جوہر ، گلبرگ ، گودھرا سوسائٹی ، نیو کراچی ، نارتھ کراچی ، سرجانی ٹاؤن ، اورنگی ٹاؤن ، قائد آباد ، لانڈھی ، کورنگی ، رنچھوڑ لائن ، گارڈن ، لسبیلہ ، جہانگیر روڈ ، شیر شاہ ، ماڑی پور اور پی آئی بی کالونی سمیت دیگر علاقوں کے مکینوں کو شدید مشکلات کا سامنا کرنا پڑا۔