پاک بھارت ٹی 20 سیریز کا شیڈول تبدیل دوسرا میچ 27 کےبجائے 28 دسمبرکو ہوگا

پی سی بی کی درخواست پر بی سی سی آئی نے پاک بھارت دوسرے ٹی ٹوئنٹی کی تاریخ تبدیل کردی ہے۔ اب یہ میچ 27 کےبجائے 28 دسمبرکو ہوگا۔


اعلان کردہ شیڈول کے مطابق پاکستان اور بھارت کے درمیان دو ٹی 20 میچوں کی سیریز کا پہلا میچ 25 دسمبر جبکہ دوسرا میچ 27 دسمبر کو کھیلا جانا تھا تاہم پی سی بی نے بی سی سی آئی سے بینظیر بھٹو کے یوم شہادت کی وجہ سے دوسرے میچ کی تاریخ ایک دن بڑھانے کی درخواست کی تھی، جس کے بعد اب یہ میچ 27 دسمبر کےبجائے 28 دسمبرکو پاکستانی وقت کے مطابق جمعے کی شام ساڑھے 6 بجے کھیلا جائے گا ۔

واضح رہے کہ پاکستان اور بھارت کے درمیان 4 برس بعد کرکٹ تعلقات بحال ہوئے ہیں جس کے تحت قومی ٹیم 22 دسمبر کو دو ٹونٹی ٹونٹی اور تین ون ڈے میچوں کی سیریز کے لئے بھارت روانہ ہوگی۔