بھارتی شہر کوچی میں خاتون نے سیف علی کی فلم کی شوٹنگ رکوادی

بھارتی شہر کوچی میں سیف علی خان کی فلم ''شیف'' کی شوٹنگ کے دوران شوروغل کے باعث بچوں کی پڑھائی متاثر ہونے پر خاتون نے فلم کی شوٹنگ رکوادی۔


سیف علی خان کی فلم ''شیف'' کی شوٹنگ بھارت کے شہر کوچی میں جاری تھی کہ اس دوران خاتون فلم کے سیٹ پر پہنچ گئی اور اُس نے اداکار اور ہدایت کار کو خوب ڈانٹ پلائی اور فلم کی شوٹنگ بھی رکوادی جب کہ خاتون کا کہنا تھا کہ فلم کی شوٹنگ کے دوران تیز آواز میں میوزک چلانے اور شوروغل سے میرے بچوں کی پڑھائی بری طرح متاثر ہورہی ہے۔

خاتون کی جانب سے کیرالہ میونسپل کارپوریشن کو بھی تحریری طور پر اپنی شکایت سے آگاہ کیا گیا جس کے بعد مقامی میونسپل کمیٹی نے تحقیقات تک شوٹنگ روکنے کا حکم دیا ہے۔