دیپکا نے بھنسالی کی فلم میں کرینہ کی جگہ لے لی

بالی وڈ اداکارہ دیپکا پڈوکون نے سنجے لیلا بھنسالی کی نئی فلم میں اداکارہ کرینہ کپور کی جگہ لے لی ہے ۔


بتایا گیا ہے کہ پہلے اس فلم میں کرینہ کو کاسٹ کیا گیا تھا ۔اداکارہ نے نئی فلم ''رام لیلیٰ''کے لیے ڈانڈیا رقص سیکھ لیا ہے ،ممبئی میں نوراتری منڈلوں میں جاکر اس رقص میں مہارت حاصل کرلی ہے ۔دیپکا پڈوکون کو اس فلم میں کرینہ کپور کو ہٹاکر ان کی جگہ اہم کردار میں کاسٹ کیا گیا ہے ۔سنجے لیلا بھنسالی کی اس فلم میں دیپکا پڈوکون ایک گجراتی لڑکی کا کردار نبھارہی ہیں ۔بالی وڈ اداکارہ کا کہنا ہے کہ گجراتی لڑکی کے انداز اور ان کے کلچر کو جان کر ہی اس کردار کی حامی بھری ہے مزید بھی اس حوالے سے بہت کچھ سیکھ رہی ہوں ۔