کراچی میں فائرنگ سے حساس ادارے کا اہلکار جاں بحق

لاہور:
ابراہیم حیدری کے علاقے میں نامعلوم افراد کی فائرنگ سے حساس ادارے کا اہلکار جاں بحق ہوگیا۔


ایکسپریس نیوز کے مطابق کراچی کے علاقے ابراہیم حیدری میں نامعلوم موٹرسائیکل سواروں کی فائرنگ سے ایک شخص زخمی ہوگیا جسے ریسکیو ٹیموں نے فوری طور پر قریبی اسپتال منتقل کیا جہاں وہ زخموں کی تاب نہ لاتے ہوئے جاں بحق ہوگیا۔ پولیس کے مطابق نامعلوم افراد کی فائرنگ سے جاں بحق ہونے والا حساس ادارے کا اہلکار ہے جس کی شناخت زاہد کے نام سے ہوئی ہے۔