آئیڈیاز 2016 میں اقتصادی راہداری منصوبے پر فوکس کا فیصلہ
ہتھیاروں کی نمائش میں سی پیک کے خطے میں معاشی اثرات کو دنیا کے سامنے لانے کیلیے خصوصی اسٹال قائم
وزیر پلاننگ اہمیت اجاگر کرنے کیلیے خود نمائش میں آئیں گے، ضرب عضب کی کامیابیوں کوبھی بیان کیا جائیگا، ڈائریکٹر میڈیا آئیڈیاز۔ فوٹو: ایکسپریس
پاکستان نے دفاعی ہتھیاروں کی نمائش ''آئیڈیاز 2016'' کے ذریعے پاک چین اقتصادی راہداری منصوبے کی افادیت اورآپریشن ضرب عضب کی کامیابیوں کو بھی دنیا کے سامنے اجاگر کرنے کا فیصلہ کیا ہے۔
کراچی ایکسپو سینٹر میں 22 تا 25 نومبر کو ہونے والی 9ویں انٹرنیشنل ڈیفنس ایگزی بیشن اینڈ سیمینار کے ذریعے پاکستان اپنی دفاعی صلاحیتوں کو اجاگر کرنے کے ساتھ عسکری صلاحیتوں اور موثر حکمت عملی کے ذریعے دہشت گردوں کی سرکوبی کے لیے دنیا میں مثال بننے والے آپریشن ضرب عضب کی کامیابیوں کو بھی دنیا کے سامنے پیش کرے گا جبکہ خطے میں بڑی معاشی تبدیلی کا سبب بننے والے پاک چین اقتصادی راہداری منصوبے کو بھی پاکستان کی بڑی کامیابی کے طور پر اجاگر کیا جائے گا جس کے تحت حال ہی میں تجارتی قافلے نے محفوظ طریقے سے کاشغر تا گوادر کا طویل سفر طے کرکے نئی تاریخ رقم کی ہے۔
آئیڈیاز نمائش کے ڈائریکٹر میڈیا کموڈور طاہر جاوید نے ''ایکسپریس'' کو بتایا کہ نمائش کے ساتھ چین پاکستان اقتصادی رہداری اور آپریشن ضرب عضب کے بارے میں الگ الگ سیمینار بھی منعقد کیے جا رہے ہیں جبکہ سی پیک کی افادیت اور خطے میں معاشی سرگرمیوں پر پڑنے والے اثرات کو دنیا کے سامنے لانے کے لیے آئیڈیاز نمائش کے پلیٹ فارم کو موثر انداز میں استعمال کیا جائے گا، اس مقصد کیلیے نمائش میں پاک چین اقتصادی راہداری منصوبے کا خصوصی اسٹال بھی قائم کیا جارہا ہے، سی پیک کی اہمیت اجاگر کرنے کیلیے منعقد ہونے والے سیمینار میں پلاننگ کمیشن کے سربراہ احسن اقبال خصوصی شرکت کریں گے۔
آئیڈیاز 2016نمائش پاکستان کی عالمی برادری میں مستحکم ساکھ اور دفاعی میدان میں مضبوط تعلقات کو بھی اجاگر کرنے کا سبب بنے گی، اس سال ہونے والی نمائش میں دنیا کے 34ملکوں کی 418کمپنیاں اپنی مصنوعات اور سلوشنز پیش کررہی ہیں جبکہ 43ملکوں کے 90 وفود نمائش میں شرکت کریں گے۔
مختلف ملکوں کے 30اعلیٰ سطح کے وفود بھی نمائش کے سلسلے میں پاکستان کا دورہ کریں گے جن کی سربراہی ان ملکوں کے وزیر دفاع، سیکریٹری دفاع یا چیف آف ڈیفنس اسٹاف کررہے ہیں، نمائش میں ترکی اور چین کی کمپنیوں کے لیے الگ پویلین مخصوص کیے گئے ہیں جبکہ دفاعی ہتھیاروں کی ایکسپورٹ امپورٹ کرنے والی روس کی سرکاری ایجنسی Rosoboronexport سمیت 3 روسی کمپنیاں بھی نمائش میں شرکت کر رہی ہیں۔
نمائش میں 9مختلف ممالک پہلی مرتبہ شرکت کررہے ہیں جن میں لکسمبرگ، بیلارس، ڈنمارک، پولینڈ، چیک ری پبلک، سوئٹرزرلینڈ، بیلجیم اور نائیجریا شامل ہیں، نمائش کے دوران پاکستان آرڈیننس فیکٹری (پی او ایف) مختلف اداروں اور کمپنیوں کے ساتھ اشتراک عمل کے لیے 10مفاہمت کی یادداشتوں پر بھی دستخط کرے گی جبکہ پاکستان ایروناٹیکل کمپلیکس کامرہ اور وزارت دفاعی پیداوار بھی ایک ایک مفاہمت کی یادداشت طے کریں گے، اس طرح ایونٹ میں14ایم اویوزہونگے، نمائش میں پاکستان آرڈیننس فیکٹری (پی او ایف) 800میٹر تک نشانہ لگانے والی جدید ترین دور مار (اسنائپر) رائفل، 1منٹ میں 600 راؤنڈز فائر کرنے کی صلاحیت کی حامل ہیوی مشین گن HMG PK-16 اور دھماکہ خیز مواد کو ڈیٹونیٹ کرنے والا خصوصی فیوز متعارف کرارہی ہے۔
اس کے علاوہ ہیوی انڈسٹریز ٹیکسلا بھی اپنی 3نئی آرمرڈ وہیکلز متعارف کرارہی ہے جن میں Dragoonنامی ہیوی وہیکل، اندرونی اور بیرونی چیلنجز سے نمٹنے کیلیے تیار کی جانیوالی کثیرالمقاصد فائٹنگ وہیکل اور B7لیول کی وزن میں ہلکی اور کارکردگی کے لحاظ سے بہترین پروٹیکٹر وہیکل شامل ہیں، اس کے علاوہ پاکستان میں تیار کیے جانے والے ڈرون جہاز شہپر، عقاب چھوٹے یو اے ویز کے علاوہ جاسوسی اور نگرانی میں استعمال ہونے والے ریڈیو ایکویپمنٹس، ٹیٹرا سلوشنز اور روبوٹس بھی نمائش کا حصہ ہوں گے، نمائش کی تعارفی تقریب اتوار کو ایکسپو سینٹر میں ہو گی۔
کراچی ایکسپو سینٹر میں 22 تا 25 نومبر کو ہونے والی 9ویں انٹرنیشنل ڈیفنس ایگزی بیشن اینڈ سیمینار کے ذریعے پاکستان اپنی دفاعی صلاحیتوں کو اجاگر کرنے کے ساتھ عسکری صلاحیتوں اور موثر حکمت عملی کے ذریعے دہشت گردوں کی سرکوبی کے لیے دنیا میں مثال بننے والے آپریشن ضرب عضب کی کامیابیوں کو بھی دنیا کے سامنے پیش کرے گا جبکہ خطے میں بڑی معاشی تبدیلی کا سبب بننے والے پاک چین اقتصادی راہداری منصوبے کو بھی پاکستان کی بڑی کامیابی کے طور پر اجاگر کیا جائے گا جس کے تحت حال ہی میں تجارتی قافلے نے محفوظ طریقے سے کاشغر تا گوادر کا طویل سفر طے کرکے نئی تاریخ رقم کی ہے۔
آئیڈیاز نمائش کے ڈائریکٹر میڈیا کموڈور طاہر جاوید نے ''ایکسپریس'' کو بتایا کہ نمائش کے ساتھ چین پاکستان اقتصادی رہداری اور آپریشن ضرب عضب کے بارے میں الگ الگ سیمینار بھی منعقد کیے جا رہے ہیں جبکہ سی پیک کی افادیت اور خطے میں معاشی سرگرمیوں پر پڑنے والے اثرات کو دنیا کے سامنے لانے کے لیے آئیڈیاز نمائش کے پلیٹ فارم کو موثر انداز میں استعمال کیا جائے گا، اس مقصد کیلیے نمائش میں پاک چین اقتصادی راہداری منصوبے کا خصوصی اسٹال بھی قائم کیا جارہا ہے، سی پیک کی اہمیت اجاگر کرنے کیلیے منعقد ہونے والے سیمینار میں پلاننگ کمیشن کے سربراہ احسن اقبال خصوصی شرکت کریں گے۔
آئیڈیاز 2016نمائش پاکستان کی عالمی برادری میں مستحکم ساکھ اور دفاعی میدان میں مضبوط تعلقات کو بھی اجاگر کرنے کا سبب بنے گی، اس سال ہونے والی نمائش میں دنیا کے 34ملکوں کی 418کمپنیاں اپنی مصنوعات اور سلوشنز پیش کررہی ہیں جبکہ 43ملکوں کے 90 وفود نمائش میں شرکت کریں گے۔
مختلف ملکوں کے 30اعلیٰ سطح کے وفود بھی نمائش کے سلسلے میں پاکستان کا دورہ کریں گے جن کی سربراہی ان ملکوں کے وزیر دفاع، سیکریٹری دفاع یا چیف آف ڈیفنس اسٹاف کررہے ہیں، نمائش میں ترکی اور چین کی کمپنیوں کے لیے الگ پویلین مخصوص کیے گئے ہیں جبکہ دفاعی ہتھیاروں کی ایکسپورٹ امپورٹ کرنے والی روس کی سرکاری ایجنسی Rosoboronexport سمیت 3 روسی کمپنیاں بھی نمائش میں شرکت کر رہی ہیں۔
نمائش میں 9مختلف ممالک پہلی مرتبہ شرکت کررہے ہیں جن میں لکسمبرگ، بیلارس، ڈنمارک، پولینڈ، چیک ری پبلک، سوئٹرزرلینڈ، بیلجیم اور نائیجریا شامل ہیں، نمائش کے دوران پاکستان آرڈیننس فیکٹری (پی او ایف) مختلف اداروں اور کمپنیوں کے ساتھ اشتراک عمل کے لیے 10مفاہمت کی یادداشتوں پر بھی دستخط کرے گی جبکہ پاکستان ایروناٹیکل کمپلیکس کامرہ اور وزارت دفاعی پیداوار بھی ایک ایک مفاہمت کی یادداشت طے کریں گے، اس طرح ایونٹ میں14ایم اویوزہونگے، نمائش میں پاکستان آرڈیننس فیکٹری (پی او ایف) 800میٹر تک نشانہ لگانے والی جدید ترین دور مار (اسنائپر) رائفل، 1منٹ میں 600 راؤنڈز فائر کرنے کی صلاحیت کی حامل ہیوی مشین گن HMG PK-16 اور دھماکہ خیز مواد کو ڈیٹونیٹ کرنے والا خصوصی فیوز متعارف کرارہی ہے۔
اس کے علاوہ ہیوی انڈسٹریز ٹیکسلا بھی اپنی 3نئی آرمرڈ وہیکلز متعارف کرارہی ہے جن میں Dragoonنامی ہیوی وہیکل، اندرونی اور بیرونی چیلنجز سے نمٹنے کیلیے تیار کی جانیوالی کثیرالمقاصد فائٹنگ وہیکل اور B7لیول کی وزن میں ہلکی اور کارکردگی کے لحاظ سے بہترین پروٹیکٹر وہیکل شامل ہیں، اس کے علاوہ پاکستان میں تیار کیے جانے والے ڈرون جہاز شہپر، عقاب چھوٹے یو اے ویز کے علاوہ جاسوسی اور نگرانی میں استعمال ہونے والے ریڈیو ایکویپمنٹس، ٹیٹرا سلوشنز اور روبوٹس بھی نمائش کا حصہ ہوں گے، نمائش کی تعارفی تقریب اتوار کو ایکسپو سینٹر میں ہو گی۔