ڈکیتیوں میں ملوث ڈاکوؤں کو 72 گھنٹوں میں گرفتار کیا جائے شہبازشریف
عوام کے جان و مال کے تحفظ کا ذمہ دارہوں اور اس مقصد کے لیے آخری حد تک جاؤں گا، شہبازشریف
عوام کے جان و مال کے تحفظ کا ذمہ دارہوں اور اس مقصد کے لیے آخری حد تک جاؤں گا، شہبازشریف : فوٹو: ایکسپیرس
وزیراعلیٰ پنجاب شہباز شریف نے لاہور میں ہونے والے حالیہ واقعات پر تشویش کا اظہار کرتے ہوئے 72 گھنٹے میں ملزمان کو گرفتار کرنے کا حکم دیتے ہوئے کہا کہ عوام کے جان و مال کے تحفظ کا ذمہ دارہوں اور اس مقصد کے لیے آخری حد تک جاؤں گا۔
وزیر اعلیٰ پنجاب محمد شہباز شریف کی زیر صدارت آج یہاں اعلی سطح کا اجلاس منعقد ہوا،جس میں لاہور میں حالیہ دنوں میں پیش آنے والے جرائم کے بعض واقعات خصوصاً ملت پارک میں 5 افراد کے قتل، گارڈن ٹاؤن میں ٹریفک سگنل پرگاڑی میں دن دیہاڑے ڈکیتی اور لوئر مال میں ڈکیتی کی ناکام کوشش کے کیسوں پر اب تک ہونے والی پیش رفت کا جائزہ لیاگیا اور اس ضمن میں پولیس حکام نے اپنی ابتدائی رپورٹ پیش کی ۔
وزیراعلیٰ محمد شہبازشریف نے لاہور جیسے شہر میں جرائم کے ایسے واقعات رونما ہونے پر سخت برہمی کا اظہار کرتے ہوئے کہا کہ ملت پارک میں ڈکیتی کے دوران مزاحمت پر 5 افراد کے قتل اور گارڈن ٹاؤن میں ٹریفک سگنل پر رکی گاڑی میں دن دیہاڑے ڈکیتی جیسے واقعات پولیس کی کارکردگی پر سوالیہ نشان ہے۔ وزیراعلیٰ نے جرائم کے ان واقعات پر پولیس حکام کو مخاطب کرتے ہوئے کہا کہ پولیس کو اربوں روپے کے وسائل دیئے گئے ہیں اوراسی طرح تربیت اور جدید آلات سے لیس کیا گیاہے تاکہ وہ عوام کے جان و مال کے تحفظ اور امن و امان کے قیام کیلئے اپنے فرائض بہتر طریقے سے سرانجام دے سکے لیکن ان تمام وسائل اور تربیت کے باوجود ایسے واقعات کا ہونا افسوسناک ہے۔
شہباز شریف نے متعلقہ پولیس افسران سے استفسار کیا کہ بتایا جائے کہ حالیہ واقعات کے وقت ڈولفن اور پیرو فورس کہاں تھی؟ علاقے میں گشت کا کیا نظام تھا۔ انہوں نے کہا کہ جرائم کے ایسے واقعات کو کسی طور پر بھی برداشت نہیں کیا جاسکتا۔ پولیس کو وسائل دیئے ہیں تو نتائج دینا بھی اس کی ذمہ داری ہے۔عوام کے جان ومال کے تحفظ کیلئے پولیس کو موثر انداز میں فعال اورمتحرک کردارادا کرنا ہوگا۔اس طرح معاملات نہیں چلیں گے اور میں ایسے واقعات کسی صورت برداشت نہیں کروں گا۔
وزیراعلیٰ نے پولیس حکام کو ان واقعات میں ملوث ملزمان کو 72 گھنٹے میں گرفتارکرنے کا حکم دیتے ہوئے کہا کہ ملزمان کو قانون کی گرفت میں لانا آپ کی ذمہ داری ہے اور آپ کو اس ذمہ داری کو بطریق احسن ادا کرنا ہے۔ وزیراعلیٰ نے کہا کہ میں صوبے کے عوام کا خادم ہوں اور صوبے کے عوام کے جان و مال کے تحفظ کا ذمہ دار ہوں اور اس مقصد کیلئے آخری حد تک جاؤں گا۔ پولیس صوبہ بھر میں جرائم کی بیخ کنی کو یقینی بنائے اور جرائم میں ملوث ملزمان کے خلاف سخت کارروائی کی جائے۔ انہوں نے کہا کہ لاہور میں رونما ہونے والے ایسے واقعات کو آئندہ برداشت نہیں کیا جائے گا ۔ ان واقعات میں ملوث ملزمان کو قانون کے کٹہرے میں لایا جائے گا اور انہیں قانون کے مطابق کڑی سے کڑی سزا دی جائے گی۔
اجلاس میں انسپکٹر جنرل پولیس پنجاب، سیکرٹری داخلہ، سی سی پی او لاہور، ایڈیشنل آئی جی سپیشل برانچ، ڈی آئی جی آپریشنز، ڈی آئی جی انویسٹی گیشن اور ایس ایس پی انویسٹی گیشن نے شرکت کی۔
وزیر اعلیٰ پنجاب محمد شہباز شریف کی زیر صدارت آج یہاں اعلی سطح کا اجلاس منعقد ہوا،جس میں لاہور میں حالیہ دنوں میں پیش آنے والے جرائم کے بعض واقعات خصوصاً ملت پارک میں 5 افراد کے قتل، گارڈن ٹاؤن میں ٹریفک سگنل پرگاڑی میں دن دیہاڑے ڈکیتی اور لوئر مال میں ڈکیتی کی ناکام کوشش کے کیسوں پر اب تک ہونے والی پیش رفت کا جائزہ لیاگیا اور اس ضمن میں پولیس حکام نے اپنی ابتدائی رپورٹ پیش کی ۔
وزیراعلیٰ محمد شہبازشریف نے لاہور جیسے شہر میں جرائم کے ایسے واقعات رونما ہونے پر سخت برہمی کا اظہار کرتے ہوئے کہا کہ ملت پارک میں ڈکیتی کے دوران مزاحمت پر 5 افراد کے قتل اور گارڈن ٹاؤن میں ٹریفک سگنل پر رکی گاڑی میں دن دیہاڑے ڈکیتی جیسے واقعات پولیس کی کارکردگی پر سوالیہ نشان ہے۔ وزیراعلیٰ نے جرائم کے ان واقعات پر پولیس حکام کو مخاطب کرتے ہوئے کہا کہ پولیس کو اربوں روپے کے وسائل دیئے گئے ہیں اوراسی طرح تربیت اور جدید آلات سے لیس کیا گیاہے تاکہ وہ عوام کے جان و مال کے تحفظ اور امن و امان کے قیام کیلئے اپنے فرائض بہتر طریقے سے سرانجام دے سکے لیکن ان تمام وسائل اور تربیت کے باوجود ایسے واقعات کا ہونا افسوسناک ہے۔
شہباز شریف نے متعلقہ پولیس افسران سے استفسار کیا کہ بتایا جائے کہ حالیہ واقعات کے وقت ڈولفن اور پیرو فورس کہاں تھی؟ علاقے میں گشت کا کیا نظام تھا۔ انہوں نے کہا کہ جرائم کے ایسے واقعات کو کسی طور پر بھی برداشت نہیں کیا جاسکتا۔ پولیس کو وسائل دیئے ہیں تو نتائج دینا بھی اس کی ذمہ داری ہے۔عوام کے جان ومال کے تحفظ کیلئے پولیس کو موثر انداز میں فعال اورمتحرک کردارادا کرنا ہوگا۔اس طرح معاملات نہیں چلیں گے اور میں ایسے واقعات کسی صورت برداشت نہیں کروں گا۔
وزیراعلیٰ نے پولیس حکام کو ان واقعات میں ملوث ملزمان کو 72 گھنٹے میں گرفتارکرنے کا حکم دیتے ہوئے کہا کہ ملزمان کو قانون کی گرفت میں لانا آپ کی ذمہ داری ہے اور آپ کو اس ذمہ داری کو بطریق احسن ادا کرنا ہے۔ وزیراعلیٰ نے کہا کہ میں صوبے کے عوام کا خادم ہوں اور صوبے کے عوام کے جان و مال کے تحفظ کا ذمہ دار ہوں اور اس مقصد کیلئے آخری حد تک جاؤں گا۔ پولیس صوبہ بھر میں جرائم کی بیخ کنی کو یقینی بنائے اور جرائم میں ملوث ملزمان کے خلاف سخت کارروائی کی جائے۔ انہوں نے کہا کہ لاہور میں رونما ہونے والے ایسے واقعات کو آئندہ برداشت نہیں کیا جائے گا ۔ ان واقعات میں ملوث ملزمان کو قانون کے کٹہرے میں لایا جائے گا اور انہیں قانون کے مطابق کڑی سے کڑی سزا دی جائے گی۔
اجلاس میں انسپکٹر جنرل پولیس پنجاب، سیکرٹری داخلہ، سی سی پی او لاہور، ایڈیشنل آئی جی سپیشل برانچ، ڈی آئی جی آپریشنز، ڈی آئی جی انویسٹی گیشن اور ایس ایس پی انویسٹی گیشن نے شرکت کی۔