حکومت نے پانچ سال جمہوریت کے نام پر بندر بانٹ کی عمران خان

تحریک انصاف کے چیرمین عمران خان نے کہا ہے کہ حکومت نے پانچ سال جمہوریت کے نام پر بندر بانٹ کی ہے۔

پشاور میں انصاف اسٹوڈنٹس کنونشن سے خطاب کرتے ہوئے عمران خان نے کہا کہ تحریک انصاف آئندہ عام انتخابات میں 25فیصد ٹکٹ 35سال سے کم عمرافراد کودے گی۔ انہو نے کہا کہ حکومت نے پانچ سال جمہوریت کے نام پر بندر بانٹ کی، اسفندیار ولی اور مولانا فضل الرحمان بھی پیسے ملک سے باہر منتقل کر رہے ہیں۔

عمران خان نے کہا کہ ہم نواز شریف اور آصف زدرادی کے شکر گزار ہیں جو پیسے کے پجاریوں کو خرید کر ہماری پارٹی کو صاف کر رہے ہیں، انہوں نے کہا کہ تحریک انصاف نظریاتی لوگوں کی جماعت ہے جو پیسے پر بک جائے وہ ہم میں سے نہیں، تحریک انصاف ایک سچ کا نام ہے، ایک نئے پاکستان کا نام ہے اور عزت وغیرت کا نام ہے۔

تحریک انصاف کے چیرمین کا کہنا تھا کہ آج ڈالرکی قیمت ملکی تاریخ کی بلند ترین سطح پرپہنچ چکی ہے جس کا فائدہ صرف اورصرف حکمرانوں اور نقصان عوام کا ہو رہا ہے۔