شہر سے خاتون سمیت 2افراد کی لاشیں ملیں
بشیر کی لا ش3 دن پرانی ہے،گھر سے تعفن اٹھنے پرپولیس کو اطلاع دی گئی
اسٹیل ٹاؤن کے علاقے گھگر پھاٹک نیشنل ہائی وے کے قریب سے 70 سالہ خاتون کی لاش ملی جو پراسرار طور پر ہلاک ہوگئی۔ فوٹو: فائل
شہر کے مختلف علاقوں سے خاتون سمیت 2 افراد کی لاشیں ملیں ہیںجو پراسرار طور پر ہلاک ہوگئے۔
تفصیلات کے مطابق کھوکرا پار کے علاقے ملیر صابر کالونی میں واقع مکان سے70 سالہ محمد بشیر کی 2 سے 3 دن پرانی لاش ملی جس کی ہلاکت پراسرار ہے، پولیس کے مطابق متوفی گھر میں اکیلا ہی رہائش پذیر تھا اور تعفن اٹھنے پر اہل محلہ نے پولیس کو اطلاع دی جس پر گھر میں داخل ہو کر دیکھا گیا تو متوفی کی لاش کمرے میں پڑی تھی، جسے ضابطے کی کارروائی کے لیے جناح اسپتال لے جایا گیا جہاں ڈاکٹروں نے موت کو طبعی قرار دیا۔
دریں اثنا اسٹیل ٹاؤن کے علاقے گھگر پھاٹک نیشنل ہائی وے کے قریب سے 70 سالہ خاتون کی لاش ملی جو پراسرار طور پر ہلاک ہوگئی اطلاع ملنے پر پولیس نے موقع پر پہنچ کر لاش ضابطے کی کارروائی کیلیے جناح اسپتال پہنچائی، ایس ایچ او اسٹیل ٹاؤن حضور بخش سولنگی نے بتایا کہ متوفیہ حلیے سے گداگر معلوم ہوتی ہے جبکہ اسکے قبضے سے ایسی کوئی چیز برآمد نہیں ہوئی جس سے اس کی شناخت میں مدد مل سکے، انھوں نے بتایا کہ متوفیہ کی موت طبعی معلوم ہوتی ہے تاہم اصل وجہ موت پوسٹمارٹم رپورٹ کے بعد ہی معلوم ہوسکے گی۔
تفصیلات کے مطابق کھوکرا پار کے علاقے ملیر صابر کالونی میں واقع مکان سے70 سالہ محمد بشیر کی 2 سے 3 دن پرانی لاش ملی جس کی ہلاکت پراسرار ہے، پولیس کے مطابق متوفی گھر میں اکیلا ہی رہائش پذیر تھا اور تعفن اٹھنے پر اہل محلہ نے پولیس کو اطلاع دی جس پر گھر میں داخل ہو کر دیکھا گیا تو متوفی کی لاش کمرے میں پڑی تھی، جسے ضابطے کی کارروائی کے لیے جناح اسپتال لے جایا گیا جہاں ڈاکٹروں نے موت کو طبعی قرار دیا۔
دریں اثنا اسٹیل ٹاؤن کے علاقے گھگر پھاٹک نیشنل ہائی وے کے قریب سے 70 سالہ خاتون کی لاش ملی جو پراسرار طور پر ہلاک ہوگئی اطلاع ملنے پر پولیس نے موقع پر پہنچ کر لاش ضابطے کی کارروائی کیلیے جناح اسپتال پہنچائی، ایس ایچ او اسٹیل ٹاؤن حضور بخش سولنگی نے بتایا کہ متوفیہ حلیے سے گداگر معلوم ہوتی ہے جبکہ اسکے قبضے سے ایسی کوئی چیز برآمد نہیں ہوئی جس سے اس کی شناخت میں مدد مل سکے، انھوں نے بتایا کہ متوفیہ کی موت طبعی معلوم ہوتی ہے تاہم اصل وجہ موت پوسٹمارٹم رپورٹ کے بعد ہی معلوم ہوسکے گی۔