باجوڑ ایجنسی دھماکہ 8 ہلاک 21زخمی

تحصیل سلارزئی میں دھماکے سے آٹھ افراد جاں بحق اور اکیس زخمی ہو گئے۔ امدادی کارروائیاں جاری ہیں۔

زخمیوں کو پشت ہیڈکوارٹر اسپتال منتقل کر دیا گیا ہے جہاں پولیس اور سیکورٹی فورسز نے علاقے کو گھیرے میں لے لیا ہے۔

پشت بازار میں معمول کے مطابق خرید و فروخت جاری تھی، اس دوران اچانک دھماکہ ہو گیا ۔جس کی آواز دور دور تک سنی گئی، دھماکے سے دو بچوں سمیت آٹھ افراد جاں بحق اور اکیس زخمی ہو گئے، جبکہ دو دکانیں تباہ ہو گئیں، چھ دکانوں کو شدید نقصان پہنچا ہے۔


مقامی لوگوں نےلاشوں اور زخمیوں کو ایجنسی ہیڈ کوارٹر اسپتال خار منتقل کیا، جبکہ زخمیوں کو لانے کے لئے خار اسپتال سے بھی ایمبولینسیں بھجوائی گئیں۔

عینی شاہدین کے مطابق بارودی مواد سڑک کے کنارے نصب کیا گیا تھا، پولیٹیکل انتظامیہ اور سیکورٹی فورسز نے دھماکے کی نوعیت جاننے کے لئے تفتیش شروع کر دی ہے۔