اہلیہ کی مخالفت کے باوجود اینڈی مرے نے ایوارڈ جیت لیا

برطانوی ٹینس اسٹار اینڈی مرے نے بی بی سی کا 'سال کی بہترین شخصیت' کا ایوارڈ جیت لیا ہے۔


اہلیہ کی مخالفت کے باوجود برطانوی ٹینس اسٹار اینڈی مرے نے بی بی سی کا 'سال کی بہترین شخصیت' کا ایوارڈ جیت لیا، انھوں نے یہ اعزاز ریکارڈ تیسری باراپنے نام کیا، اگرچہ ان کی اہلیہ کم سیئرز نے انھیں پہلے ہی بتادیا تھا کہ انھوں نے ووٹنگ میں حریفوں میں سے ایک کو اپنا ووٹ دیا ہے، اینڈی مرے کو ان کی جیتی گئی ایوارڈ ٹرافی میامی ٹریننگ بیس میں سابق ورلڈ ہیوی ویٹ باکسنگ چیمپئن لیونکس لوئس نے پیش کی، انھوں نے اس موقع پر یہ انکشاف کیا کہ میری اہلیہ نے ایوارڈ نتائج جاری ہونے سے ایک گھنٹے قبل مجھے بتا دیا تھا کہ انھوں نے اپنا ووٹ میرے بجائے نک اسکلیٹون کو دیا ہے۔