میکسیکومیں آتشبازی کےسامان کی مارکیٹ میں دھماکے27افرادہلاک
دھماکوں میں 70 افراد زخمی بھی ہوئے جنہیں مختلف اسپتالوں میں طبی امداد دی جا رہی ہے۔
دھماکوں کے بعد ہر طرف آگ اور دھویں کے بادل چھا گئے ۔ فوٹو ٹوئیٹر
میکسیکو میں آتشبازی کے سامان کی مارکیٹ دھماکوں سے لرز اٹھی جس کے نتیجے میں کم از کم 27 افراد ہلاک اور 70 سے زائد زخمی ہوگئے۔
غیرملکی خبر رساں ادارے کے مطابق میکسیکو سٹی سے شمال میں 32 کلومیٹر دور واقع ٹولٹپک کے علاقے میں آتشبازی کی مارکیٹ اچانک دھماکوں سے گونج اٹھی اور دیکھتے ہی دیکھتے ہر طرف دھویں کے بادل چھا گئے۔ حکام کے مطابق دھماکوں میں کم از کم 27 افراد ہلاک اور 70 سے زائد زخمی ہوئے۔
واقعہ کے بعد ریسکیو ٹیموں کی جانب سے امدادی سرگرمیاں جاری ہیں جب کہ مدد کیلئے فوج کو بھی طلب کیا گیا ہے، حادثے میں ہلاک اور زخمی ہونے والوں کو مختلف اسپتالوں میں منتقل کر دیا گیا ہے جب کہ ریسکیو حکام کا کہنا ہے کہ متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔ حکومت کی جانب سے شہر بھر کے اسپتالوں میں ایمرجنسی نافذ کردی گئی ہے اور پولیس کی جانب سے غیر متعلقہ افراد کو مارکیٹ سے دور رہنے کی ہدایت کی گئی ہے۔
حکام کے مطابق مارکیٹ کے قریب موجود متعدد مکانات بھی تباہ ہوئے ہیں اور آتش بازی کی مارکیٹ میں دھماکوں کی وجوہات جاننے کے لئے تحقیقات کا بھی آغاز کر دیا گیا ہے۔
https://www.dailymotion.com/video/x55vq8c
غیرملکی خبر رساں ادارے کے مطابق میکسیکو سٹی سے شمال میں 32 کلومیٹر دور واقع ٹولٹپک کے علاقے میں آتشبازی کی مارکیٹ اچانک دھماکوں سے گونج اٹھی اور دیکھتے ہی دیکھتے ہر طرف دھویں کے بادل چھا گئے۔ حکام کے مطابق دھماکوں میں کم از کم 27 افراد ہلاک اور 70 سے زائد زخمی ہوئے۔
واقعہ کے بعد ریسکیو ٹیموں کی جانب سے امدادی سرگرمیاں جاری ہیں جب کہ مدد کیلئے فوج کو بھی طلب کیا گیا ہے، حادثے میں ہلاک اور زخمی ہونے والوں کو مختلف اسپتالوں میں منتقل کر دیا گیا ہے جب کہ ریسکیو حکام کا کہنا ہے کہ متعدد زخمیوں کی حالت تشویشناک ہونے کے باعث ہلاکتوں میں اضافے کا خدشہ ہے۔ حکومت کی جانب سے شہر بھر کے اسپتالوں میں ایمرجنسی نافذ کردی گئی ہے اور پولیس کی جانب سے غیر متعلقہ افراد کو مارکیٹ سے دور رہنے کی ہدایت کی گئی ہے۔
حکام کے مطابق مارکیٹ کے قریب موجود متعدد مکانات بھی تباہ ہوئے ہیں اور آتش بازی کی مارکیٹ میں دھماکوں کی وجوہات جاننے کے لئے تحقیقات کا بھی آغاز کر دیا گیا ہے۔
https://www.dailymotion.com/video/x55vq8c