کرینہ اور سیف کے بیٹے تیمور کی تصویر سوشل میڈیا پر وائرل

بالی ووڈ اداکارہ کرینہ کپور نے اپنے مداحوں کا تجسس ختم کرتے ہوئے بیٹے تیمور علی خان پٹودی کی تصویر سوشل میڈیا پر جاری کردی جو دیکھتے ہی دیکھتے انٹرنیٹ پر وائرل ہو گئی۔

کرینہ کپور اور سیف علی خان حال اپنے نومولود بیٹے تیمور علی خان پٹودی کو اسپتال سے گھر لے آئے ہیں جہاں انہوں نے گھر کی بالکونی میں کھڑے ہو کر مبارکباد دینے کے لئے آنے والوں کا ہاتھ ہلا کر جواب دیا۔

بالی ووڈ اداکارہ نے اپنے بیٹے تیمور علی خان پٹودی کی تصویر سوشل میڈیا پر جاری کی جس میں اداکارہ کو اپنے شوہر سیف علی خان اور بیٹے تیمور کے ساتھ دیکھا جا سکتا ہے۔

واضح رہے کہ دو روز قبل کرینہ کپور اور سیف علی خان کے گھر بیٹے کی ولادت ہوئی تھی اور اس حوالے سے سوشل میڈیا پر بہت زیادہ جعلی تصاویر بھی جاری کی گئی تھیں جب کہ دوسری جانب ان کے بیٹے ''تیمور'' کے نام پربھی بات میں نیا تنازع کھڑا ہوگیا ہے۔