مریم نواز نے 24 سال بعد شادی کی کچھ تصاویر ٹوئٹر پر شیئرکردیں

PESHAWAR:
وزیراعظم نواز شریف کی صاحبزادی مریم نواز نے شادی کی 24ویں سالگرہ کے موقع پر رخصتی کی تصاویر ٹوئٹر پر شیئر کردیں۔

وزیراعظم نواز شریف نے 25 دسمبر کو اپنی 67ویں سالگرہ اہل خانہ کے ساتھ منائی اور اسی موقع پر ان کی صاحبزادی مریم نواز نے بھی اپنی شادی کی 24ویں سالگرہ مناتے ہوئے رخصتی کی کچھ تصاویر ٹوئٹر پر شیئر کیں۔ تصاویر میں دیکھا جاسکتا ہے کہ وزیراعظم نواز شریف اپنی صاحبزادی کو رخصت کرتے ہوئے انہیں گلے لگا رہے ہیں۔ اپنی شیئر کردہ تصاویر پر مریم نواز نے اپنے ٹوئٹ میں لکھا کہ رخصتی باپ کی دعاؤں کے سائے میں۔