مغربی ڈانس بھی بخوبی کر سکتی ہوں ہیما مالنی

بالی ووڈ کی نامور اداکارہ اور کلاسیکل ڈانسر ہیما مالنی نے کہا ہے کہ ضرورت پڑنے پر وہ مغربی انداز کا ڈانس بھی بخوبی سر انجام دے سکتی ہیں۔


ہیما مالنی کلاسیکل ڈانس میں اپنا جواب نہیں رکھتیں اوربرسوں سے اسے پرفارم کرتی آ رہی ہیں نے کہا کہ کلاسیکل ڈانس کرنے والا شخص کسی بھی قسم کا ڈانس پرفارم کر سکتا ہے، انہوں نے کہا کہ کسی بھی کام کو کرنے کے لئے ہمیں اپنے دماغ کو راضی کرنا پڑتا ہے اور اگر انسان کسی چیز کی ٹھان لے تو وہ اسے کر کے ہی رہتا ہے۔ ہیما مالنی نے کہا کہ جب ضرورت پڑی تو وہ بھی مغربی ڈانس ضرور کریں گی۔

ہیما مالنی نے کہا کہ ان کی ماں ہمیشہ ہی سے چاہتی تھیں کہ وہ کلاسیکل ڈانسر بنیں اور کافی سالوں سے کلاسیکل ڈانس کرتے ہوئے وہ اپنی ماں کے خواب کو پورا کر رہی ہیں۔