عامر خان کی دنگل بھارتی تاریخ کی سب سے زیادہ کمائی والی فلم بن گئی
عامر خان نے سب سے زیادہ کمائی میں اپنی ہی فلم’’ پی کے‘‘ کو پیچھے چھوڑا جس نے 340 کروڑ کا بزنس کیا تھا
عامر خان کی فلم اتوار تک بھارت میں 345 کروڑ جب کہ بیرون ملک 180 کروڑ کا بزنس کر چکی تھی۔ فوٹو: فائل
بالی ووڈ کے مسٹر پرفیکشنسٹ عامر خان کی حال ہی میں ریلیز ہونے والی فلم دنگل بھارتی فلمی تاریخ کی سب سے زیادہ کمائی کرنے والی فلم بن گئی ہے۔
بھارت کے تجارتی تجزیہ نگار ترن ادارش نے سوشل میڈیا پر اپنے ٹویٹ میں کہا کہ فلم دنگل اتوار تک باکس آفس پر 345 کروڑ سے زائد کا بزنس کر چکی ہے جو عامر خان کی فلم ''پی کے''سے زیادہ ہے جس نے 340 کروڑ روپے کا بزنس کیا تھا۔ اس طرح عامر خان کی فلم بھارت کی ہندی فلموں میں سب سے زیادہ کمائی کرنے والی فلم بن گئی ہے۔
بھارت کے علاوہ بیرون ملک بھی فلم دنگل سب سے زیادہ بزنس کرنے والی ہندی فلم بن چکی ہے اور ترن ادارش کے اعدادو شمار کے مطابق 7 جنوری تک دنگل صرف امریکا، کینیڈا اور آسٹریلیا میں 180 کروڑ روپے سے زائد کا بزنس کر چکی ہے۔
ترن ادارش نے بھارت میں سب سے زیادہ کمائی کرنے والوں کی فہرست بھی جاری کی جس میں دنگل پہلے، عامر خان کی ہی پی کے دوسرے اور سلمان خان کی بجرنگی بھائی جان اور سلطان بالترتیب تیسرے اور چوتھے نمبر پر ہیں جب کہ پانچویں نمبر پر بھی عامر خان کی فلم دھوم تھری ہے۔
بھارت کے تجارتی تجزیہ نگار ترن ادارش نے سوشل میڈیا پر اپنے ٹویٹ میں کہا کہ فلم دنگل اتوار تک باکس آفس پر 345 کروڑ سے زائد کا بزنس کر چکی ہے جو عامر خان کی فلم ''پی کے''سے زیادہ ہے جس نے 340 کروڑ روپے کا بزنس کیا تھا۔ اس طرح عامر خان کی فلم بھارت کی ہندی فلموں میں سب سے زیادہ کمائی کرنے والی فلم بن گئی ہے۔
بھارت کے علاوہ بیرون ملک بھی فلم دنگل سب سے زیادہ بزنس کرنے والی ہندی فلم بن چکی ہے اور ترن ادارش کے اعدادو شمار کے مطابق 7 جنوری تک دنگل صرف امریکا، کینیڈا اور آسٹریلیا میں 180 کروڑ روپے سے زائد کا بزنس کر چکی ہے۔
ترن ادارش نے بھارت میں سب سے زیادہ کمائی کرنے والوں کی فہرست بھی جاری کی جس میں دنگل پہلے، عامر خان کی ہی پی کے دوسرے اور سلمان خان کی بجرنگی بھائی جان اور سلطان بالترتیب تیسرے اور چوتھے نمبر پر ہیں جب کہ پانچویں نمبر پر بھی عامر خان کی فلم دھوم تھری ہے۔