فیصل آباد میں فائرنگ سے 2 پولیس اہلکار جاں بحق

نشاط آباد کے علاقے میں مسلح افراد نے فائرنگ کر کے 2 پولیس اہلکاروں کو قتل کردیا۔


ایکسپریس نیوز کے مطابق فیصل آباد کے علاقے نشاط آباد میں پولیس اہلکار گشت پر تھے کہ موٹر سائیکل سوار نامعلوم حملہ آوروں نے ان پر اندھا دھند فائرنگ کر دی جس کے نتیجے میں دونوں پولیس اہلکار موقع پر ہی جاں بحق ہو گئے جبکہ ملزمان موقع سے فرار ہو گئے۔

حملہ آوروں کی فائرنگ سے ایک بچہ بھی زخمی ہوا جسے امدادی ٹیموں کے اہلکاروں نے علاج کے لئے سول اسپتال منتقل کردیا ہے۔ فائرنگ کے واقعہ میں جاں بحق ہونے والے پولیس اہلکاروں کی شناخت وسیم اورخالد کے ناموں سے ہوئی ہے۔