بگ بیش میں بریڈ ہوج کے بیٹ نے پیٹر نویل کا جبڑا توڑدیا

بگ بیش میں بریڈ ہوج کا بیٹ پیٹر نویل کے منہ پر لگنے سے انکا جبڑا ٹوٹ گیا۔


میلبورن رینیگیڈز کے وکٹ کیپر پیٹرنویل سری لنکن تھشارا پریرا کی بولنگ پر وکٹوں کے عقب میں موجود جب کہ ایڈیلیڈ اسٹرائیکرز کے کپتان بریڈ ہوج بیٹنگ کر رہے تھے، زور دار شاٹ کھیلنے کی کوشش میں ان کے ہاتھ سے بیٹ پھسل گیا اور سیدھا وکٹ کیپر کی جانب گیا وہ گیند پر نظریں جمائے ہوئے ہونے کی وجہ سے میزائل کی طرح آنے والے بیٹ کو نہ دیکھ پائے جس کا ہینڈل ان کے منہ پر لگا جس سے انکا جبڑا ٹوٹ گیا اور وہ کراہ کر وہیں بیٹھ گئے، میڈیکل اسٹاف اور ساتھی پلیئرز ان کی جانب دوڑے اور جب نویل کو گراؤنڈ سے باہر لے جایا جارہا تھا تو اس وقت ان کا منہ سوجا ہوا تھا۔