لاہور ڈاکوؤں نے جیولر کی دکان سے 10 کلو سونا لوٹ لیا

ڈاکو مزنگ کےعلاقے سے جیولر کی دکان سے مبینہ طور پر 10 کلو سونا لوٹ کرفرار ہوگئے۔


لاہور کے مین بازار مزنگ میں واقع جيولری شاپ کے مالک کے مطابق جب اس نے دکان کھولی تو ہر طرف سامان بکھرا ہوا تھا اور دکان میں موجود 6 کروڑ روپے مالیت کا 10 کلو سونا غائب تھا۔ جیولر نے بتایا کہ چور ملحقہ مسجد کے غسل خانے کی دیوار توڑ کر دکان میں داخل ہوئے اور واردات کے بعد دیوار توڑنے کے اوزار دکان میں ہی چھوڑ گئے۔

پولیس حکام نے جائے وقوعہ سے شواہد اکٹھے کرکے واقعے کی تحقیقات شروع کردی ہیں۔