لاپتا بلاگرز پر مقدمات قائم کرنے کی خبروں میں قطعاً کوئی صداقت نہیں چوہدری نثار

وفاقی وزیرداخلہ چوہدری نثار نے لاپتا بلا گرسے متعلق منفی پروپیگنڈے کا نوٹس لیتے ہوئے کہا کہ لاپتا بلاگرز پر مقدمات قائم کرنے کی خبروں میں قطعاً کوئی صداقت نہیں۔


وفاقی وزیرداخلہ چوہدری نثار علی نے لاپتا بلا گرسے متعلق میڈیا رپورٹس اور سوشل میڈیا پرجاری پروپیگنڈے کا نوٹس لیتے ہوئے کہا کہ لاپتا بلاگرز پر مقدمات قائم کرنے کی خبروں میں قطعاً کوئی صداقت نہیں جب کہ مقدمات قائم کرنے سے متعلق خبریں مضحکہ خیز اور غیر سنجیدہ ہیں۔ انہوں نے کہا کہ منفی پروپیگنڈے اور غلط معلومات کی تشہیر بے حسی کا واضح ثبوت ہے جب کہ بعض عناصرکا غلط معلومات کی تشہیر کا مقصد معاملے کو مزید الجھانا ہے۔

وزیر داخلہ چودھری نثار نے لاپتہ افراد کے خاندانوں کے ساتھ اظہار ہمدری کرتے ہوئے کہا کہ ایسے عمل سے کرب میں مبتلا خاندانوں کی مشکلات میں مزید اضافہ ہوگا جب کہ بلاگرز کی بازیابی کے سلسلے میں ہر ممکنہ کوشش جاری ہے اور اس وقت حکومت کی تمام تر توجہ بلاگرز کی بخیریت بازیابی پر مرکوز ہے۔