ملتان سے کالعدم تنظیم کے 2 دہشت گرد گرفتار سی ٹی ڈی

لاہور:
سی ٹی ڈی نے ہیڈ محمد والا کے قریب کارروائی کرتے ہوئے کالعدم تنظیم سے تعلق رکھنے والے 2 دہشت گردوں کو گرفتار کرنے کا دعویٰ کیا ہے۔


ایکسپریس نیوز کے مطابق کاؤنٹرٹیررازم ڈیپارٹمنٹ نے ملتان میں ہیڈ محمد والا کے قریب کارروائی کے دوران 2 دہشت گردوں کو گرفتار کرلیا۔ سی ٹی ڈی حکام کے مطابق گرفتار دہشت گردوں کا تعلق کالعدم تنظیم سے ہے جو دہشت گردی کی وارداتوں میں ملوث ہیں جب کہ ان کے قبضے سے بارودی مواد اور دستی بم بھی برآمد ہوئے ہیں۔ سی ٹی ڈی حکام کا کہنا ہے کہ ملزمان کو تفتیش کے لیے نامعلوم مقام پر منتقل کردیا گیا ہے جب کہ ان کے دیگر ساتھیوں کی گرفتاری کے لیے بھی کارروائیاں کی جارہی ہیں۔