ڈی جی رینجرز میجر جنرل محمد سعید کا کراچی کے مختلف علاقوں کا دورہ

ڈی جی رینجرزمیجر جنرل محمد سعید نے کراچی کے مختلف علاقوں کا دورہ کیا اور سیکیورٹی صورتحال کو یقینی اور مؤثر بنانے کیلئے مزید احکامات جاری کیے۔

ایکسپریس نیوز کے مطابق ڈی جی رینجرز سندھ میجر جنرل محمد سعید نے شہر کے مختلف علاقوں لیاقت آباد، ناظم آباد، پاک کالونی اور گولیمار کا دورہ کیا۔ ترجمان رینجرز کے مطابق سیکٹر کمانڈرز نے ڈی جی رینجرز کو علاقوں کی صورتحال پر بریفنگ دی جب کہ اس موقع پر سیکیورٹی صورتحال مؤثر بنانے کیلئے احکامات جاری کرتے ہوئے ڈی جی رینجرز کا کہنا تھا کہ شہر کی سیکیورٹی صورتحال یقینی اور مزید مؤثر بنائی جائے۔


اس خبر کو بھی پڑھیں :کسی گروہ کو لیاری کا امن خراب کرنے کی اجازت نہیں دیں گے

ترجمان کے مطابق ڈی جی رینجرز نے سائٹ ایسوسی ایشن کا بھی دورہ کیا جہاں تاجروں نے کراچی میں امن کی بحالی اور سیکیورٹی انتظامات پر میجر جنرل محمد سعید سے اظہار تشکر کیا۔