بھارتی کامیڈین سدھو نے ’’کپل شرما شو‘‘ چھوڑ دیا

ISLAMABAD:
سابق بھارتی کرکٹر اور کامیڈین نوجوت سنگھ سدھو نے سیاسی مصروفیات کے باعث عارضی طور پر مشہور کامیڈی شو''کپل شرما شو'' سے کنارہ کشی اختیار کرلی۔


کامیڈین نوجوت سنگھ سدھو کامیڈی شو ''کپل شرما شو'' کا اہم حصہ ہیں اورشو کے دوران اپنے چٹکلوں اور شاعری کے باعث شہرت رکھتے ہیں لیکن اب مسکراہٹیں بکھیرنے والے سدھو نے شو سے علیحدگی اختیار کرلی ہے۔

نوجوت سنگھ سدھو ایک بار پھر سیاسی میدان میں سرگرم ہوگئے ہیں اور انڈین نیشنل کانگریس میں شمولیت اختیار کرلی ہے جب کہ بھارتی پنجاب میں ہونے والے ریاستی انتخابات کے باعث نوجوت سنگھ سدھو سیاسی دنگل میں مصروف ہیں جس کی وجہ سے انہوں نے کامیڈی شو'' کپل شرما شو'' سے عارضی طور پر علیحدگی اختیار کرلی ہے۔