ویرات کوہلی کیلیے تقریب پذیرائی کا انعقاد

بھارتی کپتان ویرات کوہلی کے اعزاز میں ان کی پرانی اکیڈمی کی جانب سے تقریب پذیرائی کا اہتمام کیا گیا۔


ویرات کوہلی کے اعزاز میں تقریب تینوں فارمیٹس کی قیادت ملنے اور حکومت کی جانب سے پدماشری ایوارڈ سے نوازے جانے پر منعقد کی گئی تھی، اس میں کوہلی کے بچپن کے کوچ راج کمار شرما ، کرکٹر کے بھائی وکاس، والدہ سروج، کرکٹ ایڈمنسٹریٹر راجیو شکلا اور کوہلی کو پہلی بار رنجی ٹرافی اسکواڈ میں منتخت کرنے والے سابق کرکٹر اتل واسن بھی موجود تھے۔ اس موقع پر کوچ راج کمار شرما نے ویرات کوہلی کی کامیابیوں کی وجہ سخت محنت کو قرار دیا۔اس موقع پر کوہلی نے بھی اکیڈمی منتظمین کا تقریب کے انعقاد پر شکریہ ادا کیا۔