تھپڑ مارنے کی دھمکی دینے والے سلومیاں نے ورن دھون کو تحفہ بھجوادیا

PESHAWAR:
بالی ووڈ کے دبنگ اسٹار سلمان خان نے اپنی فلم ''جڑواں '' کے سیکوئل میں مرکزی کردار کرنے والے نوجوان اداکار ورن دھون کو''جینز'' کا کارٹن تحفے میں دے دیا۔

بالی ووڈ اسٹار سلمان خان کو فلم نگری میں ''گارڈ فادر'' سمجھا جاتا ہے اور یہی وجہ ہے سلو میاں اپنی قریبی دوستوں کے ساتھ ساتھ نوجوان اداکاروں کی بھی مدد کرتے رہتے ہیں جب کہ دبنگ خان فلم نگری کے ساتھیوں کو تحفے تحائف دیتے رہتے ہیں لیکن اب نوجوان اداکار کو حیرت انگیز تحفہ بھیج دیا ہے۔

اس خبر کو بھی پڑھیں: انکل پکارنے پر سلمان کی ورن دھون کو دھمکی


بھارتی میڈیا کے مطابق سلمان خان نے 1997 میں ریلیز ہونے والی فلم ''جڑواں'' کے سیکوئل میں ان کی جگہ لینے والے نوجوان اداکار ورن دھون کو ''جینز'' کا کارٹن تحفے میں دیا ہے جب کہ نوجوان اداکار نے سلو میاں کے تحفے کی تصدیق کرتے ہوئے بتایا کہ سلمان بھائی نے ''جڑواں 2'' میں راجہ کے کردار کے لیے جینزکا کارٹن تحفے میں دیا اور اس میں سے جینز پہن کر فلم میں کام کرنے کی ہدایت بھی دی ہے جس کے بعد فلم میں انہی کے دی ہوئی جینزپینٹس میں نظر آؤں گا۔

https://www.youtube.com/watch?v=n7lRtItx86k

واضح رہے کہ ہدایتکار ڈیوڈ دھون کی فلم ''جڑواں'' میں سلمان خان نے ڈبل کردار ادا کیا تھا۔