پاناما کیس میں مسلم لیگ ن جیت گئی تو بھی عوام میں ہار چکی ہے شیخ رشید 

عوامی مسلم لیگ کے سربراہ شیخ رشید کا کہنا تھا پاناما کیس میں ہم ہار کے بھی جیتیں گے اور مسلم لیگ (ن) جیت بھی گئی تو عوام میں ہار چکی ہے۔

سپریم کورٹ کے باہر میڈیا سے بات کرتے ہوئے عوامی مسلم لیگ کے سربراہ شیخ رشید کا کہنا تھا کہ نیب اور ایف بی آر کے چیئرمین آج عدالت آرہے ہیں، اس ملک کے مسائل کا حل انصاف سے نکلے گا اور انصاف میں 3 دن رہ گئے ہیں، سپریم کورٹ سے کرپشن کا تابوت ضرور نکلے گا۔


شیخ رشید نے کہا کہ حکومت اپنے حق میں رائے ہموار کرنے کے لیے دیگر ممالک کی قیادت سے رابطے کررہی ہے لیکن ہم ہار کے بھی جیتیں گے اور یہ جیت کر بھی عوام میں ہار چکے ہیں۔