کراچی میں دہشت گردی کا خطرہ سیکیورٹی الرٹ جاری

KARACHI:
محکمہ داخلہ سندھ نے کراچی میں ممکنہ حملوں کے حوالے سے سیکیورٹی الرٹ جاری کردیاہے۔


ڈی جی رینجرز سندھ، آئی جی سندھ اور دیگر متعلقہ پولیس افسران کو جاری کیے گئے سیکیورٹی الرٹ میں کہا گیا ہے کہ ملک میں حالیہ دہشت گردی کی لہر کے پیش نظر کراچی میں بعض اہم سرکاری اورعوامی مقامات پردہشت گردی کاخطرہ ہے اس لیے ان جگہوں کی سیکیورٹی کیلیے غیرمعمولی اقدامات کیے جائیں تاکہ کسی بھی دہشت گردی کے واقعے سے بچا جاسکے۔

محکمہ داخلہ کی جانب سے جاری سیکیورٹی الرٹ میں جن جگہوں کا خصوصی طور پر ذکر کیا گیا ہے ان میں سندھ ہائیکورٹ، سندھ اسمبلی، ایمپریس مارکیٹ، زینب مارکیٹ، ایم اے جناح روڈ پر واقع مارکیٹ اور دو دریا کلفٹن پر واقع ریسٹورنٹس شامل ہیں۔