پاکستانی افواج کی فائرنگ سے 2 فوجی ہلاک ہوگئے بھارت کا الزام

بھارتی فوج نے الزام عائد کیا ہے کہ پاکستانی افواج کی جانب سے کشمیر میں کی گئی فائرنگ کے نتیجے میں 2 بھارتی فوجی ہلاک ہو گئے۔


غیرملکی خبررساں ایجنسی کے مطابق بھارتی فوجی حکام کا کہنا ہے کہ پاکستانی اور بھارتی فوجیوں کے درمیان فائرنگ کے تبادلے میں 2 بھارتی فوجی ہلاک اور ایک زخمی ہو گیا، جب کہ اتوار کے روز پاکستانی افواج نے کہا تھا کہ بھارتی فوجی کنٹرول لائن کی خلاف ورزی کرتے ہوئے پاکستانی علاقے میں گھس آئے تھے اور ان کی فائرنگ سے ایک پاکستانی فوجی شہید ہو گیا تھا۔