مختلف علاقوں سے 32 ملزمان گرفتاراسلحہ اورموٹرسائیکل برآمد

ایسٹ اور سائوتھ زون پولیس نے مختلف کارروائیاں کرتے ہوئے 32 ملزمان کوگرفتار کر کے اسلحہ ، منشیات اور موٹر سائیکل برآمد کرلی۔


تفصیلات کے مطابق ایسٹ زون پولیس نے گذشتہ 24 گھنٹوں کے دوران 22 جرائم پیشہ عناصرکوگرفتارکرلیا،ملزمان کے قبضے سے اسلحہ اور منشیات برآمد کر لی گئی ہے،ڈی آئی جی ایسٹ زون عبدالعلیم جعفری کے مطابق گرفتار ملزمان میں ایک اشتہاری ملزم بھی شامل ہے، ملزمان کے خلاف مختلف نوعیت کے مقدمات درج کرکے تفتیش شروع کردی گئی ہے، سائوتھ زون پولیس نے 10 ملزمان کو گرفتار کر کے مسروقہ موٹر سا ئیکل،منشیات اور شراب کی بوتلیں برآمد کی ہیں ،ڈی آئی جی سائوتھ شاہد حیات کے مطابق گرفتار ملزمان کے خلاف مقدمات درج کرکے تفتیش شروع کردی گئی ہے ۔