شاہد آفریدی پی ایس ایل سے باہر

PESHAWAR:
کراچی کنگز کے خلاف میچ میں زخمی ہونے کے بعد شاہد آفریدی پاکستان سپر لیگ سے باہر ہوگئے ہیں یوں وہ فائنل میں کوئٹہ گلیڈی ایٹرز کے خلاف میچ نہیں کھیل سکیں گے۔

ایکسپریس نیوز کے مطابق پشاور زلمی کے جارح مزاج بلے باز شاہد آفریدی دبئی میں کراچی کنگز کے خلاف میچ کے دوران کیون پولارڈ کا کیچ لیتے ہوئے زخمی ہوگئے تھے اور ان کے ہاتھ میں 12 ٹانکے آئے جس کے بعد شاہد آفریدی 5 مارچ کو قذافی اسٹیڈیم میں کوئٹہ گلیڈی ایٹرز کے خلاف کھیلے جانے والا فائنل میچ نہیں کھیل پائیں گے۔


شاہد آفریدی نے اپنے ویڈیو پیغام میں پشاور زلمی کے فائنل میں کوالیفائی کرنے پر شائقین کو مبارک باد دیتے ہوئے کہا ہے کہ میری خواہش تھی کہ پاکستان سپر لیگ کا فائنل لاہور جاکر کھیلوں لیکن انجری کے سبب فائنل نہیں کھیل پاؤں گا کیوں کہ ڈاکٹرز نے 10 دن آرام کا مشورہ دیا ہے۔