منتخب اراکین ہی اسمبلی کیلئے سیکیورٹی رسک بن رہے ہیں آغا سراج درانی

اسپیکر سندھ اسمبلی آغا سراج درانی کا کہنا ہے کہ منتخب ارکانِ اسمبلی غیرمتعلقہ افراد کو ایوان میں لا رہے ہیں جو سیکیورٹی رسک بن رہے ہیں۔


ایکسپریس نیوزکے مطابق اسپیکرسندھ اسمبلی آغا سراج درانی کا سیکیورٹی خدشات کے پیش نظرکہنا تھا کہ ارکانِ اسمبلی کی وجہ سے سیکورٹی مسائل پیدا ہورہے ہیں، بغیرپاسزاورسیکیورٹی چیک کے لوگوں کو اسمبلی لایا جا رہا ہے۔ ان کا کہنا تھا کہ ارکانِ اسمبلی غیرمتعلقہ افراد کو اسمبلی میں لا رہے ہیں جو بغیر پاس کے داخل ہو جاتے ہیں، سیکورٹی حکام سے تعاون کیا جائے کیونکہ ارکانِ اسمبلی اگرایسا کریں گے تو سیکورٹی خدشات سب کو متاثرکریں گے۔