کراچی سپر ہائی وے پر نادر اسپتال کے قریب فائرنگ7 افراد جاں بحق
ابتدائی طور پر واقعے سے متعلق کچھ نہیں کہا جاسکتا کہ آیا یہ کوئی ذاتی دشمنی کا شاخسانہ ہے، پولیس
سپرہائی وے پر نادر اسپتال کے قریب نامعلوم افراد نے ڈیرے پر بیٹھے افراد پر فائرنگ کی۔ فوٹو:اے ایف پی/فائل
سپر ہائی وے پر نادر اسپتال کے قریب فائرنگ کے نتیجے میں 7 افراد جاں بحق ہوگئے۔
ایکسپریس نیوز کے مطابق سپرہائی وے پر نادر اسپتال کے قریب نامعلوم افراد نے ڈیرے پر بیٹھے افراد پر فائرنگ کردی جس کے نتیجے میں 7 افراد جاں بحق ہوگئے۔ جاں بحق افراد کی لاشوں کو اسپتال منتقل کردیا گیا۔
دوسری جانب پولیس کا کہنا ہے ابتدائی طور پر واقعے سے متعلق کچھ نہیں کہا جاسکتا کہ آیا یہ کوئی ذاتی دشمنی کا شاخسانہ ہے۔