کرن جوہر کے مشورے پر کنگنا نے کرارا جواب دے دیا

بالی ووڈ میں دو اداکاراؤں کے درمیان جاری لڑائی عام سی بات ہے، لیکن اداکارہ کنگنا رناوت اور ہدایت کار کرن جوہر کے درمیان جاری جنگ نے سب کی توجہ اپنی جانب مرکوز کرلی ہے۔


کرن جوہر نے کچھ روز قبل اداکارہ کنگنا رناوٹ کو مشورہ دیا تھا کہ اگر انھیں بولی وڈ میں اتنے مسائل کا سامنا ہے تو بہتر ہیں وہ اسے چھوڑ کر چلی جائیں جس پر کنگنارناوت نے کہا کہ انڈین فلم انڈسٹری ایک چھوٹا فلم اسٹوڈیو نہیں جو کرن جوہر کو ان کے والد نے ورثے میں دیا۔

اداکارہ کا کہنا تھا کہ انٹرٹینمنٹ انڈسٹری کا تعلق ہر ہندوستانی سے ہے اور اس میں باہر سے آنے والے فنکاروں کی بہت جگہ ہے جیسے میں، جس کے والدین کے پاس اتنے پیسے نہیں تھے کہ وہ مجھے فارمل ٹریننگ دے سکتے، میں نے اپنا کام سیکھا ہے اور اس کا معاوضہ لیتی ہوں، کرن جوہر کوئی نہیں ہوتے مجھے کہنے والے کہ میں انڈسٹری کو چھوڑ دوں، میں کہیں بھی نہیں جانے والی۔