مردم شماری 2017 پرکیا ہیں خدشات اور کیا ہوں گے اثرات
اگر پاکستانی قوم ان اخراجات کے موازنہ اپنے پڑوسی ملک سے کرے تو اپنی خوش حالی پر نازاں ہو۔
سندھ میں لوگوں کی کثیر تعداد شناختی کارڈ سے محروم ہے۔ فوٹو : فائل
لاہور:
پاکستان ایک ایسا ترقی پذیر ملک ہے جہاں بسنے والے افراد کی اکثریت اپنی شناخت بطور پاکستانی کے بجائے زبان، علاقائی نسبت اور برادری کی بنیاد پر کرنا پسند کرتی ہے جس کے سبب ان کے درمیان بھروسے کا شدید فقدان ہے۔
اسلامی جمہوریہ پاکستان کا انتظامی، سیاسی، سماجی اور معاشی نظام مکمل طور پر مردم شماری کے تحت حا صل کیے گئے اعدادوشمار پر ہوتا ہے۔ لہٰذا ضرورت اس امر کی ہے کہ مردم شماری کے عمل کو انتہائی صاف و شفاف رکھا جائے، تاکہ کسی طبقے کی جانب سے یہ متنازعہ قرار نہ دیا جاسکے۔ مردم شماری2017 کی جانب سفر عدالت عظمیٰ کی کاوشوں کا نتیجہ ہے جس کے سبب مردم شماری کی مشق میں حکومتی عدم توجہی سے خدشات جنم لے رہے ہیں جس سے پاکستان کے مستقبل میں بُرے اثرات کا اندیشہ غالب نظر آرہا ہے۔
1۔ مردم شماری اور پاکستان
سیاسی عناصر کی ایک کثیر تعداد کا گمان یہ ہے کہ پاکستان میں مردم شماری کے اعداد وشمار کا احاطہ مردم شماری کے لفظی ترجمہ تک محدود ہے جسکے معنیٰ لوگوں کا شمار کرنا یا گنا بنتا ہے۔ لہذا ان عناصر کی جانب سے اس بات کا عندیہ دیا جاتا ہے کہ نادرا کی ڈیٹابیس میں موجود لوگوں کی تعداد کو بطور آبادی تسلیم کرلیا جائے۔
پاکستان میں مردم شماری کا جائزہ لیا جائے تو 1951 سے لے کر 1998 تک دنیا بھر میں رائج نظام کی طرح ڈیٹا کے حصول کو یقینی بنایا گیا، جس میں نہ صر ف آبادی، جنس، دیہی / شہری آبادی کی تعداد بتائی گئی بل کہ ہر گھرانے میں موجود افراد کی عمریں، خواندگی، صحت عامہ، گھر، پیشہ، نقل مکانی، روزگار، معذوری، بے گھر افراد، گھروں کی تعداد، کمروں کی تعداد، سہولتوں کی فراہمی وغیرہ کے اعدادوشمار بھی مرتب کیے گئے مگر افسوس ہمارے ان سیاسی عناصر کو مردم شماری کے ڈیٹا کو دیکھنے کی توفیق نہیں ملتی کیوںکہ اس ڈیٹا سے لوگوں کی معیار زندگی کا اندازہ لگایا جاتا ہے۔
جس کے اثرات طرز حکم رانی پر مرتب ہوتے ہیں، جس سے ان سیاسی عناصر کی پول پٹی خود ان کے سامنے عیاں ہوجائیں۔ ان حضرات کی توجہ صرف آبادی کی گنتی پر مرکوز ہے کیوںکہ اس کی بنیاد پر قومی/صوبائی / بلدیاتی انتخابات کے لیے حلقہ بندی کی جاتی ہے۔ بجٹ مختص کیے جاتے ہیں جس سے ان کے خوراک کی تقسیم میں آسانی ہوتی ہے۔
جنرل ضیاء الحق کے مارشل لا کے بعد قومی و صوبائی اسمبلیوں کے ارکان کے لیے ترقیاتی فنڈ تفویض کرنے کا سلسلہ شروع کیا گیا جس کے سبب مردم شماری کی اہمیت سیاسی حلقوں میں زیادہ پُراثر ہوگئی اور ان کا اثرورسوخ سرکاری افسران پر بڑھ گیا، جس کی وجہ سے مردم شماری کا عمل شکوک و شبہات کا شکار ہو نے لگا، جس کا واضح ثبوت 1991 کی مردم شماری کا مرحلہ تھا، جس میں شدید بے قاعدگیوں کی نشان دہی کی گئی ۔
اس کے بعد دوبارہ سے 1994 میں مردم شماری کے ایک اور مرحلے کا آغاز ہوا اور یہ بھی تنازعات کا شکار رہا، جس کے سبب مردم شماری کے اس مرحلے میں حاصل ہونے والے اعدادوشمار کو منسوخ کیا گیا اور مردم شماری تاخیر کا شکار ہوئی۔ 1998 میں دوبارہ مردم شماری کی نئی تاریخ دی گئی جس کا دورانیہ 2 سے 18 مارچ تک تھا۔
1991اور1994کی صورت حال کو پیش نظر رکھتے ہوئے پاک فوج کو شمار کنندگان کی حفاظت کی ذمہ داری دی گئی، تاکہ کو ئی شخص ان پر اثرانداز نہ ہوسکے۔ اس طرح پاکستان کی پانچویں مردم شماری تکمیل تک پہنچی۔ 1951 سے لے کر 1981 تک کی مردم شماری کراتے وقت فوج کو کبھی اس عمل کا حصہ نہیں بنایا گیا۔ حالاںکہ اس زمانے میں مالی وسائل سے لے کر افرادی وسائل تک محدود تھے۔
پاکستان کی چھٹی مردم شماری 2008 میں طے تھی مگر حکومتی عدم توجہی کی سبب اس کے انعقاد کا اعلان اپریل 2011 میں کیا گیا اور پہلے مرحلے کی تکمیل بھی ہوئی، مگر سیاسی عناصر کے حد درجہ اثرانداز ہونے پر اس کے نتائج کا حشر بھی 1991اور1994 کی مردم شماری جیسا ہوا، جس کے نتیجے میں اس کے دوسرے مرحلے کا انعقاد نہ ہونے کے سبب پہلا مرحلہ مردم شماری کے قوانین کے پس منظر میں بے اثر ہوگیا، یعنی Expired ہوگیا۔ اس طرح قوم کے کم وبیش چار ارب روپے گم نامی اکاؤنٹس کی نظر ہوگئے۔ سپریم کورٹ کی مداخلت کے بعد اس کی نئی تاریخ کا مارچ 2017 مقرر کی گئی ہے۔
٭سیاسی مردم شماری 2017
قوموں کی سب سے بڑی پہچان ان کا صبر ہوتا ہے اور اس کی پرورش انصاف پر مبنی نظام کرتا ہے۔ بدقسمتی سے پاکستان میں صبر کی کمی نے معاشرے کی اکثریت کو بے لگام کردیا ہے۔ یہی وجہ ہے کہ قوم کے سیاسی نمائندے عام لوگوں سے بھی دو ہاتھ آگے نکل جاتے ہیں۔ اس سلسلے میں چند حضرات کے بیانات پیش خدمت ہیں۔ جناب محترم عمران خان نے اپنے ایک اسلام آباد کے خطاب میں بروز ہفتہ 28 جنوری 2017 کو فرمایا کہ پاکستان کی 20 سال کے آس پاس کی آبادی مجموعی آبادی کے 60 فی صد ہے۔
میئر کراچی جناب وسیم اختر کراچی کی آبادی تین کروڑ سے زاید بتاتے ہیں۔ جناب احسن اقبال نے پاکستان چین JCC میٹنگز کے موقع پر پاکستان کی آبادی تئیس کروڑ بتائی۔ اس طرح جناب شاہی سید نے ANP کے کنونشن بہ مقام الآ اسکوائر میں انکشاف کیا کہ کراچی میں سب سے زیادہ آبادی پختونوں کی ہے۔ اس ضمن میں میری بااثر افراد سے گزارش ہوتی ہے کہ اس طرح کے حساس معاملات پر گفتگو سے احتیاط برتیں اور ہمیشہ مردم شماری کی ویب سائٹس پر دی گئی آبادی کو موضوع گفتگو بنائیں، تاکہ بحیثیت قوم ہم ایک صفحے پر آسکیں۔
٭مردم شماری2011 کے پہلے مرحلے کے نتائج اور نادرا
پاکستان پیپلز پارٹی کے دور اقتدار میں چھٹی مردم شماری کی منظوری کے بعد شماریات ڈویژن کے ماتحت ادارے پاپولیشن سینس آرگنائزیشن کے تحت چیف سینس کمشنر خضر حیات کی زیرسربراہی مردم شماری کے پہلے مرحلے میں خانہ شماری کا آغاز اپریل 2011 میں کیا گیا۔ موجودہ چیف شماریات آصف باجوہ بطور سیکریٹری شماریات ڈویژن فرائض انجام دے رہے تھے۔
اس دوران ملک میں دہشت گردی اپنے عروج پر تھی جس سے سب سے زیادہ متاثرہ صوبہ خیبر پختونخواہ، FATA ، صوبہ بلوچستان اور سندھ کے علاقے تھے جب کہ صوبہ پنجاب بھی کسی حد تک متاثر تھا۔ پاک فوج سرحدوں سے زیادہ اندرون ملک دہشت گردوں کے ساتھ جنگ میں مصروف تھی۔ اس دہشت زدہ ماحول میں کی گئی خانہ شماری کا نتیجہ مرتب کیا گیا تو اس کے ضمنی نتائج کچھ اس طرح سے سامنے آئے کہ پاکستان کی کل آبادی انیس کروڑ تہتر لاکھ کے قریب بنی، جوکہ 1998 کی مردم شماری کے مقابلے میں46.5 فی صد زیادہ تھی جس کی سالانہ شرح نمو 2.99 فی صد رہی جب کہ 1981-1998 کے دوران 2.69 فی صد سے آبادی میں سالانہ اضافہ مشاہدہ کیا گیا تھا۔
اگر خانہ شماری2011 کے نتائج کا پاکستان کے تمام انتظامی یونٹوں (آزاد جموںکشمیر اور گلگت بلتستان کے بغیر) کے حوالے سے مختصراً جائزہ لیا جائے تو اس کی تفصیل کچھ اس طرح مرتب ہوئی تھی دیکھیے (جدول۔1)۔
مندرجہ بال جدول سے اندازہ لگایا جاسکتا ہے کہ خیبر پختون خواہ، فاٹا اور بلوچستان دہشت گردی کے کے زیراثر تھے مگر ان کی آبادی تیزی سے بڑھ رہی تھی اور اسے صحیح تسلیم کرلیا جائے تو سندھ کی آبادی میں اضافے کی بنیادی وجہ شورش زدہ علاقوں سے لوگوں کا سندھ کی جانب نقل مکانی کرنا ہے، یعنی خیبر پختون خواہ، فاٹا اور بلوچستان کی آبادی میں کے اعدادوشمار میں سقم ہے یا سندھ کے ڈیٹا میں۔ اس ڈیٹا کو عوام الناس میں لانے کا مقصد کچھ عناصر کی جانب سے اس ڈیٹا کو قا بل بحث بناکر عوام کو گم راہ کرنے کی کوشش کی جارہی ہے۔
2011 کی خانہ شماری کے دوران ایک لاکھ چھیالیس ہزار سے زاید بلاکوں اور ان کے متعلقہ سرکل اور چارج کی حد بندی کا کام مکمل کیا گیا تھا۔ الیکشن کمیشن آف پاکستان نے عام انتخابات 2013 کے لیے ان بلاکوں کی تعداد کو باضابطہ نوٹیفائیڈ کرایا۔ اس کے بعد سپریم کورٹ کے احکامات کے تحت اپنے فیلڈ سروے کے ذریعے ان بلاکوں میں قومی شناختی کارڈ رکھنے والے لوگوں کی نادار کے ڈیٹا بیس سے تصدیق کرائی گئی۔ الیکشن کمیشن آف پاکستان کے اس طریقۂ کار کو تقریباً تمام سیاسی جماعتوں سے پزیرائی ملی۔
اب کوئی بھی پاکستانی جس کی عمر اٹھارہ سال سے زاید ہے ایک SMSکے ذریعے اپنے انتخابی حلقے کی معلومات بمعہ مردم شماری بلاک کوڈ کو ECPسے حاصل کرسکتا ہے۔ اب الیکشن کمیشن کو ووٹ کے اندراج کے لیے درخواست دینے کی ضرورت نہیں۔ اس عمل سے مردم شماری کے اٹھارہ سال سے زاید آبادی کا موازنہ کافی حد تک نادرا کے تحت بنائے گئے ووٹر لسٹوں سے کیا جاسکتا ہے ۔
٭مردم شماری 2017 : کس کی خوشی کس کا غم
وحدت پاکستان کو جانچنے کا آسان ترین آلہ یہ ہے کہ کسی حساس قومی نوعیت کے معاملے پر قوم کے ٹھیکے داروں کے صبر کے بجائے بے چینی کے پیمانے کو دیکھ لیں۔ مردم شماری کی تاریخ کا جیسے ہی اعلان کیا گیا اور پلان مکمل ہونے کے قریب جانے لگا تو عدالتوں میں کیسز کا اندراج ہونے لگا کہ کوئی گروپ اپنی برادری کا اندراج کرانا چاہتا ہے تو کسی کو خیال آیا کہ اس کی جنس کا اندراج نہیں۔ ان سب باتوں کے علاوہ سب سے اہم بات وزیراعلیٰ سندھ مراد علی شاہ کا شماریات کے چیف کو 17 جنوری 2017 کو اپنی کابینہ کا سامنے بلانا اور یہ انکشاف کرنا ہے کہ مردم شماری میں شناختی کارڈ کی شرط سے سندھ میں مسائل جنم لے سکتے ہیں، کیوںکہ ان کے مطابق سندھ میں لوگوں کی کثیر تعداد شناختی کارڈ سے محروم ہے۔
اس موقع پر نادرا کی جانب سے کا بینہ کو بتایا گیا کہ سندھ میں اس وقت 22.4 ملین لوگوں کو شناختی کارڈ کا اجراء ہوچکا ہے، جب کہ 3.3 ملین لوگ اٹھارہ سال سے کم ہیں (اس بات میں ابہام ہے کہ نادرا کے نمائندے کی اس بات سے مراد کیا یہ لیا جائے کہ یہ 3.3 ملین لوگ وہ ہیں جن کی عمر اٹھارہ سال سے کم ہے اور عنقریب اٹھارہ سال کو پہنچنے والے ہیں یا 0 سے 17.11 سال کے ہیں)۔ مزیدبرآں نادرا کے ڈیٹا کو الیکشن کمیشن کی ویب پر دیکھا جائے تو 5 دسمبر 2016 تک اٹھارہ سال سے زاید عمر کے افراد کی تعداد 20.65 ملین کے قریب ہے۔
گویا وزیراعلیٰ اور ان کی کابینہ کے سامنے دیے گئے ڈیٹا میں 1.75 ملین کا فرق ہے۔ یعنی نادرا نے سندھ بھر میں 5 دسمبر 2016 سے 16 جنوری 2017 تک کم وبیش1750000 لوگوں کو شناختی کارڈ جاری کیا۔ (اس ضمن میں مجاز حکام الیکشن کمیشن اور نادرا سے التماس ہے کہ صرف سندھ میں یہ فرق کیوں پایا گیا ہے؟ اور اسے درستی کی طرف لے جائیں) نادرا کے نمائندے نے اس سوال کے جواب میں کہ اندرون سندھ کے کچھ علاقوں کی آبادی شناختی کارڈ سے محروم ہے کو شناختی کارڈ کے اجراء کے لیے نادرا کی 60 موبائل سروس موجود ہے۔حالاںکہ شہری علاقے کے لوگوں کی کثیر تعداد بھی شناختی کے کارڈ کے حصول میں کوشاں ہے اور نادرا کی جانب سے انتہائی ذلت آمیز رویہ کا سامنا بھی کرتی ہے۔
یہاں یہ امر باعث حیرت ہے کہ اتنے حساس مسئلے کی نشان دہی پر وفاقی وزیرداخلہ چوہدری نثار علی خان نے کسی قسم کا ردعمل ظاہر نہیں کیا حالاںکہ یہ ان کے ماتحت ادارے نادرا کی کارکردگی پر سوالیہ نشان ہے۔ ان کا فرض ہے کہ قوم کو سندھ میں شناختی کارڈ کے حوالے سے صحیح صورت حال سے آگاہ کریں تاکہ مردم شماری کے نتائج کو آلودہ ہونے سے بچا یا جاسکے۔ اب آتے ہیں مردم شماری 2017 کے متوقع نتائج کی طرف جس پر مختلف حلقوں کی جانب سے یہ گمان کیا جارہا ہے کہ اس مردم شماری سے پاکستان کے سیاسی انتظامی ساخت کے معاملات میں بہت بڑی ڈرامائی تبدیلی آجائے گی۔ اس بات کا اندازہ لگانے کے لیے ہمیں مردم شماری 1998کاجائزہ لینا ہوگا۔
پانچویں مردم شماری 1998کی آبادی کا مطالعہ بہ لحاظ عمر کیا جائے تو اعدادوشمار بتاتے ہیں کہ پاکستان میں اٹھارہ سال سے زاید آبادی کا تناسب اس کی کل آبادی کے 50.02 فی صد تھا یعنی 0 سے 17.99 عمروں کے آبادی 49.98 فی صد۔ اس کی مزید تفصیل جدول2 کے مطالعے سے حاصل ہوگی۔
پاکستان کے انتظامی یونٹوں (فاٹا،آزاد جموںو کشمیر اور گلگت بلتستان شامل نہیں) میں بھی یہ واضح نظر آرہا ہے کہ اٹھارہ سال سے زاید آبادی کا پچاس فی صد سے زیادہ آبادی والے یونٹوں میں اسلام آباد، سندھ اور پنجاب نمایاں ہیں جب کہ بلوچستان اننچاس فی صد کے قریب ہے۔ اس کے علاوہ جدول 2 میں مردوں اور عورتوں کے درمیان تناسب کا فرق بھی واضح ہے۔ مزید برآں اس کا مطالعہ دیہی اور شہری آبادی کے تناظر میں کیا جائے تو دیہی علاقوں میں مردوں کا تناسب خواتین سے زیادہ ہے جب کہ شہری آبادی میں یہ تناسب مزید اضافے کے ساتھ نمایاں ہے۔ تفصیل کے لیے جدول 3 ملاحظہ فرمائیں۔
مندرجہ ذیل جدولوں کو زیرمطالعہ لانے کا بنیادی مقصد اس جانب توجہ مبذول کرانا مقصود ہے کہ نادرا کے تحت بنائی گئی انتخابی فہرستیں بہت حد تک پاکستان کی آبادی کو بہ لحاظ اٹھارہ سال کے افراد کی آبادی کے تناسب کے پس منظر میں بہتر تخمینے کی جانب اشارہ دیتی ہیں۔ مزیدبرآں اکیسویں صدی میں ڈیجیٹل انقلاب نے انسانی امور کے ہر شعبے کو شدید متاثر کیا اور دنیا میں بسنے والے عوام کے درمیان فاصلے کو مواصلاتی نظام کے ذریعے گھٹا کر رکھ دیا۔ اس عمل نے دنیا میں آبادی کے رجحان میں اضافے کی سوچ کو بہت حد تک متاثر کیا اور پاکستان ترقی پذیر ملکوں کی فہرست میں ان ملکوں کے ساتھ شامل ہوتا نظر آرہا ہے جن کے یہاں شرح آبادی میں پچھلی شرح کے مقابلے میں کمی دیکھنے میں آرہی ہے۔ اٹھارہ سال سے زاید لوگوں کے تناسب سے پرکھا جائے تو آبادی کے اس گروپ میں میں اضافہ متوقع ہے۔
سپریم کورٹ آف پاکستان کے حکم 2013 کے بعد الیکشن کمیشن نے اپنی انتخابی فہرستیں نادرا کی مدد سے تیار کرنے کا آغاز کیا۔ اس نظام کے تحت اٹھارہ سال سے زاید شخص خواہ وہ مرد ہو یا عورت کو جیسے ہی شناختی کا اجراء ہوتا ہے، نادرا کچھ مہینے کے وقفے سے الیکشن کمیشن آف پاکستان کو وہ فہرست فراہم کرتا ہے جس کے بعد انتخابی عملہ اس ووٹ کو محکمۂ مردم شماری کے تحت بنائے گئے بلاک میں شخصی تصدیق کے بعد درج کرتا ہے، جس کے نتیجے میں اٹھارہ سال سے زاید افراد کا ڈیٹاکم وبیش تین مہینوں کے فرق سے الیکشن کمیشن کی کاوشوں سے مائیکرولیول تک دست یاب ہوتا ہے، لہٰذا مردم شماری 1998 کے اٹھارہ سال کے تناسب کو مدنظر رکھا جائے تو پاکستان میں نادرا کے شہریت کا ڈیٹا کافی حد تک لوگوں کی تعداد کا تعین کرنے کے لیے قابل قبول ہے۔
پاکستان کے موجودہ امن و امان اور معاشی مسائل کی وجہ سے اٹھارہ سال کو پہنچنے والوں افراد کی پہلی ترجیح شناختی کارڈ کا حصول ہے۔ بے نظیر انکم سپورٹ پروگرام میں رقم کے حصول میں ATM کارڈ کی شرط کے بعد پاکستان کے غریب پس ماندہ علاقے میں رہنے والے افراد اپنی شناختی کارڈ کے حصول کو یقینی بناتے ہیں۔ اگر مردم شماری 1998 کے بالغ آبادی کا تنا سب کے پس منظر میں چھٹی مردم شماری کی آبادی کا اندازہ لگایا جائے تو متوقع آ بادی جدول۔ 5 میں دکھائی گئی ہے۔مردم شماری 2017 کے مکمل ہونے کے بعد متوقع پاکستان کی آبادی میں بہ لحاظ صوبے کی آبادی میں اندرون اعشاریہ اضافہ یا کمی دیکھی جائے گی۔ لہٰذا ضروری ہے کہ پاکستان کے انتظامی یونٹس کی انتظامیہ اپنے ذہنوں کو آلودہ کیے بغیر مردم شماری کے کاموں کو ایمان داری کے ساتھ سرانجام دیں۔
پاکستان کے بڑے لسانی گروہوں کی آبادی کی تقسیم کو مشاہدے میں لایا جائے تو اس کی شرح نمو کے اعتبار سے اضافے یا کمی کا مطالعہ کیا جاسکتا ہے۔ جدول۔ 6 کا موازنہ جدول۔7 کے ساتھ کیا جائے تو کچھ دل چسپ نتائج سامنے آرہے ہیں۔ اگر پاکستان کی سطح پر اردو بولنے والوں کی تعداد کو دیکھا جائے تو 1981 کے مقابلے 1998میں معمولی کمی دیکھی جاسکتی ہے۔ اسی طرح پنجابی زبان بولنے والوں کی آبادی میں سب سے زیادہ کمی یعنی 4 فی صد سے زاید نظر آرہی ہے جب کہ سندھی آبادی میں تقریباً 3 فی صد، پشتو آبادی میں2 فی صد سے زاید آبادی کا اضافہ ہوا ہے۔ بلوچی بولنے والی آبادی میں کمی، سرائیکی آبادی میں اضافہ اور دوسری زبانوں کے گروپ میں بھی کمی مشاہدے میں لائی جاسکتی ہے۔
جدول۔6 آبادی بہ لحاظ سے زبان۔ مردم شماری 1998
جدول۔7 آبادی بہ لحاظ سے زبان۔ مردم شماری 1981
اب آتے ہیں مردم شماری کے التواء کی طرف۔ ہمارے ملک میں ارباب اقتدار سے وابستہ افرادکو یہ خوف لاحق رہتا ہے کہ جن غیرانسانی اصولوں کو آئین کا حصہ بنایا گیا ہے۔ کہیں اس میں کسی قسم کا ردوبدل نہ ہوجائے۔ ملازمتوں کی کوٹا کی بنیاد پر تقسیم اور NFC کی آبادی کی بنیاد پر تقسیم سے یہ گروہ 1973 سے فیض یاب ہورہے ہیں۔
اس غیرمنصفانہ عمل رکھنے والی سوچ چوںکہ ظلم کی مرتکب ہو رہی ہے۔ اس لیے ان کے دلوں میں آسائشیں چھن جانے کا خوف ہے۔ مردم شماری کے تحت حا صل کیا گیا ڈیٹا ملک میں آمدنی کی تقسیم، غربت کی شرح، لوگوں کو حا صل بنیادی سہولیات، نقل مکانی کی وجوہات، تعلیمی، طبی سہولیات گویا عوام الناس کی جملہ زندگی کی ضروریات کا احاطہ کرتا ہے، جس کی مدد سے ملک کے حاکموں کی پاکستانی عوام کے معیار زندگی کی بلندی کے لیے ترتیب دی گئی حکمت عملی کا تنقیدی و تعمیری جائزہ ملک کے عوام کے سامنے لایا جا سکتا ہے۔ شا ید یہی وہ اسباب ہیں جو ملک میں مردم شماری کے التواء کا باعث بنتے ہیں۔
ان خبروں پر انتہائی افسوس کا اظہار کیا جا سکتا ہے کہ مردم شماری کا انتہائی اہم جز معیار زندگی سے متعلق سوال نامہ کو موجودہ ہونے والی مردم شماری کا حصہ نہیں بنایا گیا جس کی وجہ سے مردم شماری اپنا حقیقی اثر کھو بیٹھی ہے۔ وزیراعظم اور ان کی کابینہ کو اس حوالے سے سختی سے نوٹس لینا چا ہیے۔ المیہ یہ بھی ہے کہ حزب اختلاف کی پارٹیاں اگر یہ دعویٰ کرتی ہیںکہ موجودہ حکومت پاکستان کی ترقی کے عمل میں نا کام رہی ہے تو ان کے ثبوت بھی ضائع ہو نے جارہے ہیں۔
مردم شماری کو صرف گنتی تک محدود رکھنا قومی دولت کا ضیاع ہے، کیوںکہ یہ عمل انتہائی کم لاگت سے نادرا کے ڈیٹا کی مدد سے کیا جا سکتا ہے، جس میں 95 فی صد تک بہتر نتیجہ حاصل ہو سکتا ہے اور اس کی تقسیم مردم شماری کے 2011 کے منظور شدہ بلاک جس کی مزید تصدیق انتخابی عملے نے خطیر رقم خرچ کرکے کی اور نادرا کا ڈیٹا انتخابی حلقہ بندیوں کے پس منظر میں کر دکھایا۔ اگر غور کیا جائے تو اس ڈیٹا کو اس حد تک ترتیب دے دیا گیا کہ اس کی مدد سے قومی مالیاتی کمیشن میں بھی صوبوں کے درمیان فنڈز کی تقسیم کا مرحلہ بھی بہ خوبی طے کیا جا سکتا ہے، مگر مقا می نظام حکومت میں مالیاتی تقسیم میں مشکلات پیدا ہوسکتی ہیں۔
محکمۂ شماریات کے منتظم اعلیٰ پچھلے وقتوں میں مردم شماری کے حوالے سے اپنی بھرپور تیاریوں کا راگ الاپتے رہے مگر جیسے ہی ذمے داری ملی اپنی نااہلی کی وجہ سے مکمل مردم شماری کے عمل سے راہ فرار اختیار کر رہے ہیں اور کوئی ان سے بازپرس کرنے والا نہیں۔
2011 میں ناکام مردم شماری سے کم و بیش صوبوں کے چار ارب روپے ضائع کروائے پھر 2015 میں حکومت وقت سے مردم شماری کا شیڈول دکھاکر بھاری بھرکم بجٹ منظور کروالیا اور فوج کی مدد کے حوالے سے ان کی رضامندی حا صل نہ ہو نے کے باعث مردم شماری کرانے سے انکار کردیا، مگر بجٹ کے حصول کے بعد مشینوں، گاڑیوں وغیرہ کی خریداری میں مستعدی دکھائی اور اپنے زیراستعمال لے آئے اور آج بیشتر چیزیں قابل مرمت ہوگئی ہیں۔
جناب آصف باجوہ کی جانب سے اپنی حالیہ پریس کانفرنس بہ تاریخ 19 فروری 2017 کو یہ کہنا کہ مردم شماری کے اخراجات کا تخمینہ 30 ارب (کم و بیش 280 ملین امریکی ڈالر) تک متوقع ہے، حیرت انگیز ہے، اگر اس کا موازنہ پڑوسی ملک ہندوستان سے کیا جائے تو 2011 کی مردم شماری میں ایک ارب بیس کروڑ سے زاید آبادی کو شمار کرنے میں 330 ملین امریکی ڈالر خرچ ہوئے یعنی34 روپے فی فرد کے قریب ان کا خرچ آیا جب کہ پاکستان کی مردم شماری کا یہ خرچہ بقول آصف باجوہ 150 روپے فی فرد تک پہنچ جائے گا۔
اگر پاکستانی قوم ان اخراجات کے موازنہ اپنے پڑوسی ملک سے کرے تو اپنی خوش حالی پر نازاں ہو، کیوںکہ ہم نے ہندوستان کو اس معاملے میں شکست سے دوچار کردیا بس شرط یہ ہے کہ مردم شماری پایۂ تکمیل کو پہنچ جائے۔
پاکستان ایک ایسا ترقی پذیر ملک ہے جہاں بسنے والے افراد کی اکثریت اپنی شناخت بطور پاکستانی کے بجائے زبان، علاقائی نسبت اور برادری کی بنیاد پر کرنا پسند کرتی ہے جس کے سبب ان کے درمیان بھروسے کا شدید فقدان ہے۔
اسلامی جمہوریہ پاکستان کا انتظامی، سیاسی، سماجی اور معاشی نظام مکمل طور پر مردم شماری کے تحت حا صل کیے گئے اعدادوشمار پر ہوتا ہے۔ لہٰذا ضرورت اس امر کی ہے کہ مردم شماری کے عمل کو انتہائی صاف و شفاف رکھا جائے، تاکہ کسی طبقے کی جانب سے یہ متنازعہ قرار نہ دیا جاسکے۔ مردم شماری2017 کی جانب سفر عدالت عظمیٰ کی کاوشوں کا نتیجہ ہے جس کے سبب مردم شماری کی مشق میں حکومتی عدم توجہی سے خدشات جنم لے رہے ہیں جس سے پاکستان کے مستقبل میں بُرے اثرات کا اندیشہ غالب نظر آرہا ہے۔
1۔ مردم شماری اور پاکستان
سیاسی عناصر کی ایک کثیر تعداد کا گمان یہ ہے کہ پاکستان میں مردم شماری کے اعداد وشمار کا احاطہ مردم شماری کے لفظی ترجمہ تک محدود ہے جسکے معنیٰ لوگوں کا شمار کرنا یا گنا بنتا ہے۔ لہذا ان عناصر کی جانب سے اس بات کا عندیہ دیا جاتا ہے کہ نادرا کی ڈیٹابیس میں موجود لوگوں کی تعداد کو بطور آبادی تسلیم کرلیا جائے۔
پاکستان میں مردم شماری کا جائزہ لیا جائے تو 1951 سے لے کر 1998 تک دنیا بھر میں رائج نظام کی طرح ڈیٹا کے حصول کو یقینی بنایا گیا، جس میں نہ صر ف آبادی، جنس، دیہی / شہری آبادی کی تعداد بتائی گئی بل کہ ہر گھرانے میں موجود افراد کی عمریں، خواندگی، صحت عامہ، گھر، پیشہ، نقل مکانی، روزگار، معذوری، بے گھر افراد، گھروں کی تعداد، کمروں کی تعداد، سہولتوں کی فراہمی وغیرہ کے اعدادوشمار بھی مرتب کیے گئے مگر افسوس ہمارے ان سیاسی عناصر کو مردم شماری کے ڈیٹا کو دیکھنے کی توفیق نہیں ملتی کیوںکہ اس ڈیٹا سے لوگوں کی معیار زندگی کا اندازہ لگایا جاتا ہے۔
جس کے اثرات طرز حکم رانی پر مرتب ہوتے ہیں، جس سے ان سیاسی عناصر کی پول پٹی خود ان کے سامنے عیاں ہوجائیں۔ ان حضرات کی توجہ صرف آبادی کی گنتی پر مرکوز ہے کیوںکہ اس کی بنیاد پر قومی/صوبائی / بلدیاتی انتخابات کے لیے حلقہ بندی کی جاتی ہے۔ بجٹ مختص کیے جاتے ہیں جس سے ان کے خوراک کی تقسیم میں آسانی ہوتی ہے۔
جنرل ضیاء الحق کے مارشل لا کے بعد قومی و صوبائی اسمبلیوں کے ارکان کے لیے ترقیاتی فنڈ تفویض کرنے کا سلسلہ شروع کیا گیا جس کے سبب مردم شماری کی اہمیت سیاسی حلقوں میں زیادہ پُراثر ہوگئی اور ان کا اثرورسوخ سرکاری افسران پر بڑھ گیا، جس کی وجہ سے مردم شماری کا عمل شکوک و شبہات کا شکار ہو نے لگا، جس کا واضح ثبوت 1991 کی مردم شماری کا مرحلہ تھا، جس میں شدید بے قاعدگیوں کی نشان دہی کی گئی ۔
اس کے بعد دوبارہ سے 1994 میں مردم شماری کے ایک اور مرحلے کا آغاز ہوا اور یہ بھی تنازعات کا شکار رہا، جس کے سبب مردم شماری کے اس مرحلے میں حاصل ہونے والے اعدادوشمار کو منسوخ کیا گیا اور مردم شماری تاخیر کا شکار ہوئی۔ 1998 میں دوبارہ مردم شماری کی نئی تاریخ دی گئی جس کا دورانیہ 2 سے 18 مارچ تک تھا۔
1991اور1994کی صورت حال کو پیش نظر رکھتے ہوئے پاک فوج کو شمار کنندگان کی حفاظت کی ذمہ داری دی گئی، تاکہ کو ئی شخص ان پر اثرانداز نہ ہوسکے۔ اس طرح پاکستان کی پانچویں مردم شماری تکمیل تک پہنچی۔ 1951 سے لے کر 1981 تک کی مردم شماری کراتے وقت فوج کو کبھی اس عمل کا حصہ نہیں بنایا گیا۔ حالاںکہ اس زمانے میں مالی وسائل سے لے کر افرادی وسائل تک محدود تھے۔
پاکستان کی چھٹی مردم شماری 2008 میں طے تھی مگر حکومتی عدم توجہی کی سبب اس کے انعقاد کا اعلان اپریل 2011 میں کیا گیا اور پہلے مرحلے کی تکمیل بھی ہوئی، مگر سیاسی عناصر کے حد درجہ اثرانداز ہونے پر اس کے نتائج کا حشر بھی 1991اور1994 کی مردم شماری جیسا ہوا، جس کے نتیجے میں اس کے دوسرے مرحلے کا انعقاد نہ ہونے کے سبب پہلا مرحلہ مردم شماری کے قوانین کے پس منظر میں بے اثر ہوگیا، یعنی Expired ہوگیا۔ اس طرح قوم کے کم وبیش چار ارب روپے گم نامی اکاؤنٹس کی نظر ہوگئے۔ سپریم کورٹ کی مداخلت کے بعد اس کی نئی تاریخ کا مارچ 2017 مقرر کی گئی ہے۔
٭سیاسی مردم شماری 2017
قوموں کی سب سے بڑی پہچان ان کا صبر ہوتا ہے اور اس کی پرورش انصاف پر مبنی نظام کرتا ہے۔ بدقسمتی سے پاکستان میں صبر کی کمی نے معاشرے کی اکثریت کو بے لگام کردیا ہے۔ یہی وجہ ہے کہ قوم کے سیاسی نمائندے عام لوگوں سے بھی دو ہاتھ آگے نکل جاتے ہیں۔ اس سلسلے میں چند حضرات کے بیانات پیش خدمت ہیں۔ جناب محترم عمران خان نے اپنے ایک اسلام آباد کے خطاب میں بروز ہفتہ 28 جنوری 2017 کو فرمایا کہ پاکستان کی 20 سال کے آس پاس کی آبادی مجموعی آبادی کے 60 فی صد ہے۔
میئر کراچی جناب وسیم اختر کراچی کی آبادی تین کروڑ سے زاید بتاتے ہیں۔ جناب احسن اقبال نے پاکستان چین JCC میٹنگز کے موقع پر پاکستان کی آبادی تئیس کروڑ بتائی۔ اس طرح جناب شاہی سید نے ANP کے کنونشن بہ مقام الآ اسکوائر میں انکشاف کیا کہ کراچی میں سب سے زیادہ آبادی پختونوں کی ہے۔ اس ضمن میں میری بااثر افراد سے گزارش ہوتی ہے کہ اس طرح کے حساس معاملات پر گفتگو سے احتیاط برتیں اور ہمیشہ مردم شماری کی ویب سائٹس پر دی گئی آبادی کو موضوع گفتگو بنائیں، تاکہ بحیثیت قوم ہم ایک صفحے پر آسکیں۔
٭مردم شماری2011 کے پہلے مرحلے کے نتائج اور نادرا
پاکستان پیپلز پارٹی کے دور اقتدار میں چھٹی مردم شماری کی منظوری کے بعد شماریات ڈویژن کے ماتحت ادارے پاپولیشن سینس آرگنائزیشن کے تحت چیف سینس کمشنر خضر حیات کی زیرسربراہی مردم شماری کے پہلے مرحلے میں خانہ شماری کا آغاز اپریل 2011 میں کیا گیا۔ موجودہ چیف شماریات آصف باجوہ بطور سیکریٹری شماریات ڈویژن فرائض انجام دے رہے تھے۔
اس دوران ملک میں دہشت گردی اپنے عروج پر تھی جس سے سب سے زیادہ متاثرہ صوبہ خیبر پختونخواہ، FATA ، صوبہ بلوچستان اور سندھ کے علاقے تھے جب کہ صوبہ پنجاب بھی کسی حد تک متاثر تھا۔ پاک فوج سرحدوں سے زیادہ اندرون ملک دہشت گردوں کے ساتھ جنگ میں مصروف تھی۔ اس دہشت زدہ ماحول میں کی گئی خانہ شماری کا نتیجہ مرتب کیا گیا تو اس کے ضمنی نتائج کچھ اس طرح سے سامنے آئے کہ پاکستان کی کل آبادی انیس کروڑ تہتر لاکھ کے قریب بنی، جوکہ 1998 کی مردم شماری کے مقابلے میں46.5 فی صد زیادہ تھی جس کی سالانہ شرح نمو 2.99 فی صد رہی جب کہ 1981-1998 کے دوران 2.69 فی صد سے آبادی میں سالانہ اضافہ مشاہدہ کیا گیا تھا۔
اگر خانہ شماری2011 کے نتائج کا پاکستان کے تمام انتظامی یونٹوں (آزاد جموںکشمیر اور گلگت بلتستان کے بغیر) کے حوالے سے مختصراً جائزہ لیا جائے تو اس کی تفصیل کچھ اس طرح مرتب ہوئی تھی دیکھیے (جدول۔1)۔
مندرجہ بال جدول سے اندازہ لگایا جاسکتا ہے کہ خیبر پختون خواہ، فاٹا اور بلوچستان دہشت گردی کے کے زیراثر تھے مگر ان کی آبادی تیزی سے بڑھ رہی تھی اور اسے صحیح تسلیم کرلیا جائے تو سندھ کی آبادی میں اضافے کی بنیادی وجہ شورش زدہ علاقوں سے لوگوں کا سندھ کی جانب نقل مکانی کرنا ہے، یعنی خیبر پختون خواہ، فاٹا اور بلوچستان کی آبادی میں کے اعدادوشمار میں سقم ہے یا سندھ کے ڈیٹا میں۔ اس ڈیٹا کو عوام الناس میں لانے کا مقصد کچھ عناصر کی جانب سے اس ڈیٹا کو قا بل بحث بناکر عوام کو گم راہ کرنے کی کوشش کی جارہی ہے۔
2011 کی خانہ شماری کے دوران ایک لاکھ چھیالیس ہزار سے زاید بلاکوں اور ان کے متعلقہ سرکل اور چارج کی حد بندی کا کام مکمل کیا گیا تھا۔ الیکشن کمیشن آف پاکستان نے عام انتخابات 2013 کے لیے ان بلاکوں کی تعداد کو باضابطہ نوٹیفائیڈ کرایا۔ اس کے بعد سپریم کورٹ کے احکامات کے تحت اپنے فیلڈ سروے کے ذریعے ان بلاکوں میں قومی شناختی کارڈ رکھنے والے لوگوں کی نادار کے ڈیٹا بیس سے تصدیق کرائی گئی۔ الیکشن کمیشن آف پاکستان کے اس طریقۂ کار کو تقریباً تمام سیاسی جماعتوں سے پزیرائی ملی۔
اب کوئی بھی پاکستانی جس کی عمر اٹھارہ سال سے زاید ہے ایک SMSکے ذریعے اپنے انتخابی حلقے کی معلومات بمعہ مردم شماری بلاک کوڈ کو ECPسے حاصل کرسکتا ہے۔ اب الیکشن کمیشن کو ووٹ کے اندراج کے لیے درخواست دینے کی ضرورت نہیں۔ اس عمل سے مردم شماری کے اٹھارہ سال سے زاید آبادی کا موازنہ کافی حد تک نادرا کے تحت بنائے گئے ووٹر لسٹوں سے کیا جاسکتا ہے ۔
٭مردم شماری 2017 : کس کی خوشی کس کا غم
وحدت پاکستان کو جانچنے کا آسان ترین آلہ یہ ہے کہ کسی حساس قومی نوعیت کے معاملے پر قوم کے ٹھیکے داروں کے صبر کے بجائے بے چینی کے پیمانے کو دیکھ لیں۔ مردم شماری کی تاریخ کا جیسے ہی اعلان کیا گیا اور پلان مکمل ہونے کے قریب جانے لگا تو عدالتوں میں کیسز کا اندراج ہونے لگا کہ کوئی گروپ اپنی برادری کا اندراج کرانا چاہتا ہے تو کسی کو خیال آیا کہ اس کی جنس کا اندراج نہیں۔ ان سب باتوں کے علاوہ سب سے اہم بات وزیراعلیٰ سندھ مراد علی شاہ کا شماریات کے چیف کو 17 جنوری 2017 کو اپنی کابینہ کا سامنے بلانا اور یہ انکشاف کرنا ہے کہ مردم شماری میں شناختی کارڈ کی شرط سے سندھ میں مسائل جنم لے سکتے ہیں، کیوںکہ ان کے مطابق سندھ میں لوگوں کی کثیر تعداد شناختی کارڈ سے محروم ہے۔
اس موقع پر نادرا کی جانب سے کا بینہ کو بتایا گیا کہ سندھ میں اس وقت 22.4 ملین لوگوں کو شناختی کارڈ کا اجراء ہوچکا ہے، جب کہ 3.3 ملین لوگ اٹھارہ سال سے کم ہیں (اس بات میں ابہام ہے کہ نادرا کے نمائندے کی اس بات سے مراد کیا یہ لیا جائے کہ یہ 3.3 ملین لوگ وہ ہیں جن کی عمر اٹھارہ سال سے کم ہے اور عنقریب اٹھارہ سال کو پہنچنے والے ہیں یا 0 سے 17.11 سال کے ہیں)۔ مزیدبرآں نادرا کے ڈیٹا کو الیکشن کمیشن کی ویب پر دیکھا جائے تو 5 دسمبر 2016 تک اٹھارہ سال سے زاید عمر کے افراد کی تعداد 20.65 ملین کے قریب ہے۔
گویا وزیراعلیٰ اور ان کی کابینہ کے سامنے دیے گئے ڈیٹا میں 1.75 ملین کا فرق ہے۔ یعنی نادرا نے سندھ بھر میں 5 دسمبر 2016 سے 16 جنوری 2017 تک کم وبیش1750000 لوگوں کو شناختی کارڈ جاری کیا۔ (اس ضمن میں مجاز حکام الیکشن کمیشن اور نادرا سے التماس ہے کہ صرف سندھ میں یہ فرق کیوں پایا گیا ہے؟ اور اسے درستی کی طرف لے جائیں) نادرا کے نمائندے نے اس سوال کے جواب میں کہ اندرون سندھ کے کچھ علاقوں کی آبادی شناختی کارڈ سے محروم ہے کو شناختی کارڈ کے اجراء کے لیے نادرا کی 60 موبائل سروس موجود ہے۔حالاںکہ شہری علاقے کے لوگوں کی کثیر تعداد بھی شناختی کے کارڈ کے حصول میں کوشاں ہے اور نادرا کی جانب سے انتہائی ذلت آمیز رویہ کا سامنا بھی کرتی ہے۔
یہاں یہ امر باعث حیرت ہے کہ اتنے حساس مسئلے کی نشان دہی پر وفاقی وزیرداخلہ چوہدری نثار علی خان نے کسی قسم کا ردعمل ظاہر نہیں کیا حالاںکہ یہ ان کے ماتحت ادارے نادرا کی کارکردگی پر سوالیہ نشان ہے۔ ان کا فرض ہے کہ قوم کو سندھ میں شناختی کارڈ کے حوالے سے صحیح صورت حال سے آگاہ کریں تاکہ مردم شماری کے نتائج کو آلودہ ہونے سے بچا یا جاسکے۔ اب آتے ہیں مردم شماری 2017 کے متوقع نتائج کی طرف جس پر مختلف حلقوں کی جانب سے یہ گمان کیا جارہا ہے کہ اس مردم شماری سے پاکستان کے سیاسی انتظامی ساخت کے معاملات میں بہت بڑی ڈرامائی تبدیلی آجائے گی۔ اس بات کا اندازہ لگانے کے لیے ہمیں مردم شماری 1998کاجائزہ لینا ہوگا۔
پانچویں مردم شماری 1998کی آبادی کا مطالعہ بہ لحاظ عمر کیا جائے تو اعدادوشمار بتاتے ہیں کہ پاکستان میں اٹھارہ سال سے زاید آبادی کا تناسب اس کی کل آبادی کے 50.02 فی صد تھا یعنی 0 سے 17.99 عمروں کے آبادی 49.98 فی صد۔ اس کی مزید تفصیل جدول2 کے مطالعے سے حاصل ہوگی۔
پاکستان کے انتظامی یونٹوں (فاٹا،آزاد جموںو کشمیر اور گلگت بلتستان شامل نہیں) میں بھی یہ واضح نظر آرہا ہے کہ اٹھارہ سال سے زاید آبادی کا پچاس فی صد سے زیادہ آبادی والے یونٹوں میں اسلام آباد، سندھ اور پنجاب نمایاں ہیں جب کہ بلوچستان اننچاس فی صد کے قریب ہے۔ اس کے علاوہ جدول 2 میں مردوں اور عورتوں کے درمیان تناسب کا فرق بھی واضح ہے۔ مزید برآں اس کا مطالعہ دیہی اور شہری آبادی کے تناظر میں کیا جائے تو دیہی علاقوں میں مردوں کا تناسب خواتین سے زیادہ ہے جب کہ شہری آبادی میں یہ تناسب مزید اضافے کے ساتھ نمایاں ہے۔ تفصیل کے لیے جدول 3 ملاحظہ فرمائیں۔
مندرجہ ذیل جدولوں کو زیرمطالعہ لانے کا بنیادی مقصد اس جانب توجہ مبذول کرانا مقصود ہے کہ نادرا کے تحت بنائی گئی انتخابی فہرستیں بہت حد تک پاکستان کی آبادی کو بہ لحاظ اٹھارہ سال کے افراد کی آبادی کے تناسب کے پس منظر میں بہتر تخمینے کی جانب اشارہ دیتی ہیں۔ مزیدبرآں اکیسویں صدی میں ڈیجیٹل انقلاب نے انسانی امور کے ہر شعبے کو شدید متاثر کیا اور دنیا میں بسنے والے عوام کے درمیان فاصلے کو مواصلاتی نظام کے ذریعے گھٹا کر رکھ دیا۔ اس عمل نے دنیا میں آبادی کے رجحان میں اضافے کی سوچ کو بہت حد تک متاثر کیا اور پاکستان ترقی پذیر ملکوں کی فہرست میں ان ملکوں کے ساتھ شامل ہوتا نظر آرہا ہے جن کے یہاں شرح آبادی میں پچھلی شرح کے مقابلے میں کمی دیکھنے میں آرہی ہے۔ اٹھارہ سال سے زاید لوگوں کے تناسب سے پرکھا جائے تو آبادی کے اس گروپ میں میں اضافہ متوقع ہے۔
سپریم کورٹ آف پاکستان کے حکم 2013 کے بعد الیکشن کمیشن نے اپنی انتخابی فہرستیں نادرا کی مدد سے تیار کرنے کا آغاز کیا۔ اس نظام کے تحت اٹھارہ سال سے زاید شخص خواہ وہ مرد ہو یا عورت کو جیسے ہی شناختی کا اجراء ہوتا ہے، نادرا کچھ مہینے کے وقفے سے الیکشن کمیشن آف پاکستان کو وہ فہرست فراہم کرتا ہے جس کے بعد انتخابی عملہ اس ووٹ کو محکمۂ مردم شماری کے تحت بنائے گئے بلاک میں شخصی تصدیق کے بعد درج کرتا ہے، جس کے نتیجے میں اٹھارہ سال سے زاید افراد کا ڈیٹاکم وبیش تین مہینوں کے فرق سے الیکشن کمیشن کی کاوشوں سے مائیکرولیول تک دست یاب ہوتا ہے، لہٰذا مردم شماری 1998 کے اٹھارہ سال کے تناسب کو مدنظر رکھا جائے تو پاکستان میں نادرا کے شہریت کا ڈیٹا کافی حد تک لوگوں کی تعداد کا تعین کرنے کے لیے قابل قبول ہے۔
پاکستان کے موجودہ امن و امان اور معاشی مسائل کی وجہ سے اٹھارہ سال کو پہنچنے والوں افراد کی پہلی ترجیح شناختی کارڈ کا حصول ہے۔ بے نظیر انکم سپورٹ پروگرام میں رقم کے حصول میں ATM کارڈ کی شرط کے بعد پاکستان کے غریب پس ماندہ علاقے میں رہنے والے افراد اپنی شناختی کارڈ کے حصول کو یقینی بناتے ہیں۔ اگر مردم شماری 1998 کے بالغ آبادی کا تنا سب کے پس منظر میں چھٹی مردم شماری کی آبادی کا اندازہ لگایا جائے تو متوقع آ بادی جدول۔ 5 میں دکھائی گئی ہے۔مردم شماری 2017 کے مکمل ہونے کے بعد متوقع پاکستان کی آبادی میں بہ لحاظ صوبے کی آبادی میں اندرون اعشاریہ اضافہ یا کمی دیکھی جائے گی۔ لہٰذا ضروری ہے کہ پاکستان کے انتظامی یونٹس کی انتظامیہ اپنے ذہنوں کو آلودہ کیے بغیر مردم شماری کے کاموں کو ایمان داری کے ساتھ سرانجام دیں۔
پاکستان کے بڑے لسانی گروہوں کی آبادی کی تقسیم کو مشاہدے میں لایا جائے تو اس کی شرح نمو کے اعتبار سے اضافے یا کمی کا مطالعہ کیا جاسکتا ہے۔ جدول۔ 6 کا موازنہ جدول۔7 کے ساتھ کیا جائے تو کچھ دل چسپ نتائج سامنے آرہے ہیں۔ اگر پاکستان کی سطح پر اردو بولنے والوں کی تعداد کو دیکھا جائے تو 1981 کے مقابلے 1998میں معمولی کمی دیکھی جاسکتی ہے۔ اسی طرح پنجابی زبان بولنے والوں کی آبادی میں سب سے زیادہ کمی یعنی 4 فی صد سے زاید نظر آرہی ہے جب کہ سندھی آبادی میں تقریباً 3 فی صد، پشتو آبادی میں2 فی صد سے زاید آبادی کا اضافہ ہوا ہے۔ بلوچی بولنے والی آبادی میں کمی، سرائیکی آبادی میں اضافہ اور دوسری زبانوں کے گروپ میں بھی کمی مشاہدے میں لائی جاسکتی ہے۔
جدول۔6 آبادی بہ لحاظ سے زبان۔ مردم شماری 1998
جدول۔7 آبادی بہ لحاظ سے زبان۔ مردم شماری 1981
اب آتے ہیں مردم شماری کے التواء کی طرف۔ ہمارے ملک میں ارباب اقتدار سے وابستہ افرادکو یہ خوف لاحق رہتا ہے کہ جن غیرانسانی اصولوں کو آئین کا حصہ بنایا گیا ہے۔ کہیں اس میں کسی قسم کا ردوبدل نہ ہوجائے۔ ملازمتوں کی کوٹا کی بنیاد پر تقسیم اور NFC کی آبادی کی بنیاد پر تقسیم سے یہ گروہ 1973 سے فیض یاب ہورہے ہیں۔
اس غیرمنصفانہ عمل رکھنے والی سوچ چوںکہ ظلم کی مرتکب ہو رہی ہے۔ اس لیے ان کے دلوں میں آسائشیں چھن جانے کا خوف ہے۔ مردم شماری کے تحت حا صل کیا گیا ڈیٹا ملک میں آمدنی کی تقسیم، غربت کی شرح، لوگوں کو حا صل بنیادی سہولیات، نقل مکانی کی وجوہات، تعلیمی، طبی سہولیات گویا عوام الناس کی جملہ زندگی کی ضروریات کا احاطہ کرتا ہے، جس کی مدد سے ملک کے حاکموں کی پاکستانی عوام کے معیار زندگی کی بلندی کے لیے ترتیب دی گئی حکمت عملی کا تنقیدی و تعمیری جائزہ ملک کے عوام کے سامنے لایا جا سکتا ہے۔ شا ید یہی وہ اسباب ہیں جو ملک میں مردم شماری کے التواء کا باعث بنتے ہیں۔
ان خبروں پر انتہائی افسوس کا اظہار کیا جا سکتا ہے کہ مردم شماری کا انتہائی اہم جز معیار زندگی سے متعلق سوال نامہ کو موجودہ ہونے والی مردم شماری کا حصہ نہیں بنایا گیا جس کی وجہ سے مردم شماری اپنا حقیقی اثر کھو بیٹھی ہے۔ وزیراعظم اور ان کی کابینہ کو اس حوالے سے سختی سے نوٹس لینا چا ہیے۔ المیہ یہ بھی ہے کہ حزب اختلاف کی پارٹیاں اگر یہ دعویٰ کرتی ہیںکہ موجودہ حکومت پاکستان کی ترقی کے عمل میں نا کام رہی ہے تو ان کے ثبوت بھی ضائع ہو نے جارہے ہیں۔
مردم شماری کو صرف گنتی تک محدود رکھنا قومی دولت کا ضیاع ہے، کیوںکہ یہ عمل انتہائی کم لاگت سے نادرا کے ڈیٹا کی مدد سے کیا جا سکتا ہے، جس میں 95 فی صد تک بہتر نتیجہ حاصل ہو سکتا ہے اور اس کی تقسیم مردم شماری کے 2011 کے منظور شدہ بلاک جس کی مزید تصدیق انتخابی عملے نے خطیر رقم خرچ کرکے کی اور نادرا کا ڈیٹا انتخابی حلقہ بندیوں کے پس منظر میں کر دکھایا۔ اگر غور کیا جائے تو اس ڈیٹا کو اس حد تک ترتیب دے دیا گیا کہ اس کی مدد سے قومی مالیاتی کمیشن میں بھی صوبوں کے درمیان فنڈز کی تقسیم کا مرحلہ بھی بہ خوبی طے کیا جا سکتا ہے، مگر مقا می نظام حکومت میں مالیاتی تقسیم میں مشکلات پیدا ہوسکتی ہیں۔
محکمۂ شماریات کے منتظم اعلیٰ پچھلے وقتوں میں مردم شماری کے حوالے سے اپنی بھرپور تیاریوں کا راگ الاپتے رہے مگر جیسے ہی ذمے داری ملی اپنی نااہلی کی وجہ سے مکمل مردم شماری کے عمل سے راہ فرار اختیار کر رہے ہیں اور کوئی ان سے بازپرس کرنے والا نہیں۔
2011 میں ناکام مردم شماری سے کم و بیش صوبوں کے چار ارب روپے ضائع کروائے پھر 2015 میں حکومت وقت سے مردم شماری کا شیڈول دکھاکر بھاری بھرکم بجٹ منظور کروالیا اور فوج کی مدد کے حوالے سے ان کی رضامندی حا صل نہ ہو نے کے باعث مردم شماری کرانے سے انکار کردیا، مگر بجٹ کے حصول کے بعد مشینوں، گاڑیوں وغیرہ کی خریداری میں مستعدی دکھائی اور اپنے زیراستعمال لے آئے اور آج بیشتر چیزیں قابل مرمت ہوگئی ہیں۔
جناب آصف باجوہ کی جانب سے اپنی حالیہ پریس کانفرنس بہ تاریخ 19 فروری 2017 کو یہ کہنا کہ مردم شماری کے اخراجات کا تخمینہ 30 ارب (کم و بیش 280 ملین امریکی ڈالر) تک متوقع ہے، حیرت انگیز ہے، اگر اس کا موازنہ پڑوسی ملک ہندوستان سے کیا جائے تو 2011 کی مردم شماری میں ایک ارب بیس کروڑ سے زاید آبادی کو شمار کرنے میں 330 ملین امریکی ڈالر خرچ ہوئے یعنی34 روپے فی فرد کے قریب ان کا خرچ آیا جب کہ پاکستان کی مردم شماری کا یہ خرچہ بقول آصف باجوہ 150 روپے فی فرد تک پہنچ جائے گا۔
اگر پاکستانی قوم ان اخراجات کے موازنہ اپنے پڑوسی ملک سے کرے تو اپنی خوش حالی پر نازاں ہو، کیوںکہ ہم نے ہندوستان کو اس معاملے میں شکست سے دوچار کردیا بس شرط یہ ہے کہ مردم شماری پایۂ تکمیل کو پہنچ جائے۔