مجھ پر کرپشن ثابت ہوجائے تو سیاست چھوڑ دوں گا اسپیکر خیبرپختونخوا اسمبلی

اسپیکر خیبر پختونخوا اسمبلی اسد قیصر کا کہنا ہے کہ کوئی جائیداد نہیں چھپائی ہے سارا ریکارڈ الیکشن کمیشن میں ڈکلئیرڈ ہے اور اگر مجھ پر کرپشن الزام ثابت ہوگئے توسیاست چھوڑ دوں گا۔


اسپیکرخیبرپختونخوا اسمبلی اسد قیصر نے اپنے اوپر لگے کرپشن کے الزامات مستردکرتے ہوئے کہا ہے کہ میں نے کوئی اپنی جائیداد نہیں چھپائی ہے اور میرا سارا ریکارڈ الیکشن کمیشن میں ڈکلئیرڈ ہے۔ انہوں نے کہا کہ اگر مجھ پر کرپشن کے الزامات ثابت ہوگئے توسیاست چھوڑدوں گا اورجومیرا 35 کروڑ کا بنگلہ ڈھونڈ کردے گا وہ اسی کو گفٹ کردوں گا۔

دوسری جانب وزیراعلیٰ خیبر پختونخوا پرویز خٹک نے کہا ہے کہ اسد قیصر پرالزام لگانے والا اگر جھوٹا ثابت ہوا تو اس کے خلاف کارروائی کریں گے۔