مالی میں شدت پسندوں پر بمباری جاری لڑائی میں 11فوجی ہلاک

مغربی افریقہ کے ملک مالی میں فرانسیسی طیاروں نے اتوارکے روز شدت پسندوں کے زیرقبضہ شہرگاؤمیں شدت پسندوں کے مراکزپرشدید بمباری کی شدت پسندوں کے مراکزاوراسلحہ ڈپوؤں کونشانہ بنایاگیا۔

اطلاعات کے مطابق بمباری سے شدت پسندوں کے مراکزتباہ اوروہ خود شہرسے فرارہوگئے ۔ فرانس مالی میں شدت پسندوں کے مقبوضہ علاقوں سے انھیں بیدخل کرنے کیلیے افریقی فوج کی مدد کررہاہے۔ اس وقت افریقی اتحادکے 3,300فوجی مالی کی فوج کی مددکیلیے وہاں پہنچ چکے ہیں۔




مالی کے صدرکے دفترسے جاری ایک بیان کے مطابق کونامیں شدت پسندوں کے ساتھ زمینی جنگ میں اتوارکو مالی کی سرکاری فوج کے 11 اہلکارہلاک ہوگئے ہیں۔ادھرشدت پسندوں کے لیڈرایاز اگ غالی کے ہلاک ہونے کی بھی اطلاعات ہیں۔ ادھرمالی کے وزیراعظم الجزائرکی طرف سے اس جنگ میں واضح حمایت کے اعلان کے بعد الجیریاپہنچ گئے ہیں۔