کیریئر کا اس سے بہتر آغاز نہیں ہوسکتا تھاشاداب خان

ISLAMABAD:
پاکستانی نوجوان کرکٹر شاداب خان نے کہا کہ کیریئر کا اس سے بہتر آغاز نہیں ہوسکتا تھا، میں قومی ٹیم کیلیے ہمیشہ ہی ایسی کارکردگی دکھانا چاہتا ہوں۔

شاداب خان کا کہنا ہے کہ پہلے ٹی ٹوئنٹی کی پچ اسپنرز کیلیے مددگار تھی، پی ایس ایل کا تجربہ بھی میرے کام آیا۔ میزبان کپتان کارلوس بریتھ ویٹ نے کہا کہ شاداب نے کئی گگلی گیندیں کیں جس کا ہمارے پاس کوئی جواب نہیں تھا، 111کافی ٹوٹل نہیں تھا، ہمیں اسپنرز پر قابو پانے کیلیے اپنی حکمت عملی پر از سر نو غور کرنا ہوگا۔


اس خبر کو بھی پڑھیں :شاداب خان نے انٹرنیشنل ڈیبیو کو 3 وکٹوں کی پرفارمنس سے یادگار بنالیا

واضح رہے کہ شاداب نے ویسٹ انڈیز سے پہلے ٹوئنٹی 20 میچ میں 7 رنز دے کر 3 کھلاڑیوں کو آؤٹ کیا تھا، وہ ڈیبیو پر مین آف دی میچ قرار پانے والے شاہد آفریدی کے بعد دوسرے پاکستانی بنے۔