پنجاب میں نئے صوبے بنانے کا اعلان 20 جنوری کو متوقع

بہاولپور صوبہ کی بحالی اور جنوبی پنجاب صوبہ کے قیام کیلیے تیاریاں مکمل کر لی گئیں۔

اسپیکر قومی اسمبلی نئے صوبوں کے پارلیمانی کمیشن کی مدت میں توسیع جلد کردیں گی ،پیپلز پارٹی ،ن لیگ،ق لیگ ،جے یو آئی (ف)،جماعت اسلامی، بہاولپورنیشنل عوامی پارٹی اورتحریک بحالی صوبہ بہاولپور( درانی) کا جنوبی پنجاب میں 2صوبوں کے قیام پر اتفاق ہوگیاہے ۔




آئی این پی نے بتایا کہ مسلم لیگ (ف) اور صادق گڑھ پیلس کے ذرائع کے مطابق بہاولپور صوبہ بحالی اور جنوبی پنجاب صوبے کے قیام کے بارے میںدھماکا خیز اعلان 20 جنوری کو متوقع ہے ۔نئی سیاسی ڈویلپمنٹ کے تناظر میں بہاولپور صوبہ رحیم یار خان،راجن پور، بہاولپور،بہاولنگر، لودھراںاوروہاڑی کے علاقوں پر مشتمل ہوگا۔سرائیکی صوبے میںملتان،ساہیوال اور ڈیرہ غازی خان ڈویژن شامل ہوںگے ۔