اسلام میں پڑوسیوں کے حقوق
اسلام نے صرف مذہب اسلام اور مسلمانوں کے حقوق کی ادائی و پاس داری کا سبق نہیں دیا۔
اسلام نے صرف مذہب اسلام اور مسلمانوں کے حقوق کی ادائی و پاس داری کا سبق نہیں دیا۔ فوٹو : فائل
اسلام ایک سچے دین اور ایک مکمل ضابطۂ حیات کا نام ہے۔
اسلام نے انسان کی معاشرتی زندگی کے لیے ایسی روشن تعلیمات اور ایسے سنہری اُصول مقرر فرما رکھے ہیں کہ دُنیا کا کوئی بھی انصاف پسند اور ذی عقل شخص یا مذہب فطری طور پر نہ اُن کو جھٹلا سکتا ہے اور نہ ہی اُن سے سرمو اختلاف کرسکتا ہے۔ اس لیے کہ اسلام نے صرف مذہب اسلام اور مسلمانوں کے حقوق کی ادائی و پاس داری کا سبق نہیں دیا بل کہ اُس نے مذہب اور مسلک کی تفریق کیے بغیر انسانی فطرت کو سامنے رکھتے ہوئے دُنیا بھر کے تمام دیگر ادیان و مذاہب کے پیروکاروں کے حقوق کی پاس داری کا بھی ہمیں درس دیا ہے۔ اسلام کی ان روشن تعلیمات اور اُس کے ان سنہری اُصول و ضوابط پر اگر مکمل طور پر عمل درآمد کیا جائے تو یہ بات دعوے سے کہی جاسکتی ہے کہ تمام دُنیا عافیت و سلامتی کا گہوارہ بن جائے۔
آپ معاشرتی زندگی کا صرف یہ ایک پہلو '' ہم سایہ اور پڑوس'' ہی کو لے لیں اور اسلامی تعلیمات کی روشنی میں اس کے حقوق کی ادائی و پاس داری کا مطالعہ فرمائیں اور دیکھیں کہ اس نے اپنی روشن تعلیمات اور اپنے سنہرے اُصول و قواعد کی روشنی میں اس کے حقوق کو کس طرح اجاگر کیا ہے۔
حضورِ اقدس ؐ کا ارشاد گرامی ہے : '' جو شخص اﷲ تعالیٰ پر اور آخرت کے دن پر ایمان رکھتا ہے، اُس کو چاہیے کہ مہمان کا اکرام کرے اور اپنے پڑوسی کو نہ ستائے اور زبان سے کوئی بات نکالے تو بھلائی کی نکالے ورنہ خاموش رہے۔'' ( بخاری و مسلم )
گویا پڑوسی کے حق کا سب سے ادنیٰ درجہ یہ بتایا گیا کہ اس کو کسی قسم کی کوئی تکلیف نہ پہنچائے اور یہ اُس کا بہت ہی ادنیٰ درجے کا حق ہے، ورنہ دوسری روایات میں پڑوسی اور ہم سایے کے حق کے متعلق بہت زیادہ تاکید وارد ہوئی ہیں۔
ایک مرتبہ حضورِ اقدس ؐ نے صحابہ کرامؓ سے پوچھا : '' جانتے ہو کہ پڑوسی کا کیا حق ہے؟
(اور پھر خود ہی ارشاد فرمایا) اگر وہ تجھ سے مدد چاہے تو اُس کی مدد کر، اگر قرض مانگے تو اُس کو قرض دے، اگر محتاج ہو تو اُس کی اعانت کر، اگر بیمار ہو تو اُس کی عیادت کر، اگر مرجائے تو اُس کے جنازے میں شریک ہو، اگر اُس کو خوشی حاصل ہو تو مبارک باد دے، اگر اُس کو مصیبت پہنچے تو تعزیت کر، بغیر اُس کی اجازت کے اُس کے مکان کے پاس اپنا مکان اُونچا نہ کر کہ جس سے اُس کی ہوا رُک جائے۔
اگر تو کوئی پھل خریدے تو اس کو بھی ہدیہ دے، اور اگر یہ نہ ہوسکے تو اُس پھل کو ایسی طرح پوشیدہ گھر میں لا کہ وہ نہ دیکھ سکے اور اُس کو تیری اولاد باہر لے کر نہ نکلے تاکہ پڑوسی کے بچے اس کو دیکھ کر رنجیدہ نہ ہوں، اور اپنے گھر کے دُھویں سے اُس کو تکلیف نہ پہنچا مگر اُس صورت میں کہ جو پکائے اُس میں سے اُس کا بھی حصہ نکالے۔ ( پھر فرمایا) تم جانتے ہو کہ پڑوسی کا کتنا حق ہے؟ قسم ہے اُس پاک ذات کی کہ جس کے قبضے میں میری جان ہے کہ اُس کے حق کو اُس کے سوا کوئی نہیں جانتا جس پر اﷲ رحم کرے۔'' (الاربعین، فتح الباری)
ایک حدیث میں آتا ہے کہ حضورِ اقدسؐ نے تین مرتبہ فرمایا : ''اﷲ کی قسم مومن نہیں ہے، اﷲ کی قسم مومن نہیں ہے، اﷲ کی قسم مومن نہیں ہے۔'' کسی نے عرض کیا یا رسول اﷲ ﷺ ! کون؟'' آپؐ نے فرمایا: '' وہ شخص کہ جس کا پڑوسی اُس کی مصیبتوں سے مامون نہ ہو۔'' ( بخاری، مسلم، مشکوٰۃ)
ایک اور حدیث میں آتا ہے : '' جنت میں وہ شخص داخل نہ ہوگا جس کا پڑوسی اُس کی مصیبتوں سے مامون نہ ہو۔ ''
حضرت ابن عمر ؓ اور حضرت عائشہؓ دونوں حضورِ اقدسؐ کا یہ ارشاد نقل کرتے ہیں : '' حضرت جبریل ؑ مجھے پڑوسی ( کے حقوق کا خیال رکھنے ) کے بارے میں اس قدر تاکید کرتے رہے کہ مجھے یہ گمان ہونے لگا کہ پڑوسی کو وارث بنا کر چھوڑیں گے۔'' ( مشکوٰۃ)
اسی طرح قرآن مجید میں اﷲ تعالیٰ فرماتے ہیں، ترجمہ: '' تم اﷲ تعالیٰ کی عبادت کرو اور اُس کے ساتھ کسی چیز کو شریک مت کرو، اور اپنے والدین اور رشتے داروں اور یتیموں اور غریبوں اور قریب والے پڑوسی اور دور والے پڑوسی اور اپنے ساتھ اُٹھنے بیٹھنے والے ساتھی اور مسافر کے ساتھ حسن سلوک اور اچھا معاملہ کرو۔'' ( النساء )
پاس والے پڑوسی سے مراد یہ ہے کہ اُس کا مکان قریب ہو اور دُور والے پڑوسی سے مراد یہ ہے کہ اُس کا مکان دُور ہو۔ حضرت حسن بصریؒ سے کسی نے پوچھا : '' پڑوس کہاں تک ہے؟ '' آپؒ نے فرمایا : '' چالیس مکان آگے کی جانب اور چالیس پیچھے کی جانب، چالیس دائیں جانب اور چالیس بائیں جانب۔''
حضرت ابن عباسؓ نے اس کی تشریح یوں کی کہ پاس کا پڑوسی وہ ہے جس سے قرابت ہو اور دُور کا پڑوسی وہ ہے جس سے قرابت نہ ہو۔'' نوف شامیؒ سے نقل کیا گیا ہے کہ قریب کے پڑوسی سے مراد مسلمان پڑوسی ہے اور دُور کے پڑوسی سے مراد یہود و نصاریٰ اور غیر مسلم پڑوسی ہیں۔'' ( درمنثور )
حضورِ اقدس ؐ نے ارشاد فرمایا : '' پڑوسی تین طرح کے ہوتے ہیں۔ ایک وہ پڑوسی کہ جس کے تین حق ہوں: پڑوس کا حق، رشتے داری کا حق اور اسلام کا حق۔ دوسرا وہ پڑوسی کہ جس کے دو حق ہوں : پڑوس کا حق اور اسلام کا حق۔ تیسرا وہ پڑوسی کہ جس کا ایک حق ہو : وہ غیر مسلم پڑوسی ہے۔''
امام غزالیؒ یہ حدیث نقل کرنے کے بعد فرماتے ہیں : '' دیکھو! اس حدیث میں محض پڑوسی ہونے کی وجہ سے کافر کا حق بھی مسلمان پر قائم فرمایا ہے۔'' ( فضائل صدقات )
ایک مرتبہ حضرت ابن عمرؓ کے غلام نے ( آپؓ کی ) ایک بکری ذبح کی۔ آپؓ نے اُس سے فرمایا: ''جب اس کی کھال اُتار چکو تو سب سے پہلے اس کے گوشت میں سے میرے یہودی پڑوسی کو دینا۔ کئی مرتبہ یہی فرمایا۔ غلام نے عرض کیا : '' آپ کتنی مرتبہ یہ بات ارشاد فرماتے رہیں گے؟ حضرت ابن عمرؓ نے فرمایا: '' میں نے حضورِ اقدس ؐ سے سنا کہ وہ فرماتے تھے : '' مجھے حضرت جبریل ؑ بار بار پڑوسی ( کے حقوق کا خیال رکھنے) کے متعلق تاکید فرماتے رہے ( اس لیے میں بھی بار بار یہ الفاظ دہرا رہا ہوں۔'' (فضائل صدقات)
علقمہ بن بجالہؒ حضرت ابوہریرہ کا یہ ارشاد نقل فرماتے ہیں : ''(بھلائی کی ابتدا) نزدیک کے پڑوسی کو چھوڑ کر دُور کے پڑوسی سے نہیں کرنی چاہیے، اس لیے کہ ایسا کرنا نزدیک والے پڑوسی کے لیے ( اُس کے حق میں حسن سلوک کا ) دروازہ بند کرنے کے مترادف ہے۔'' (الادب المفرد)
حضرت ابن عمرؓ سے مروی ہے : ایک زمانہ یا ایک وقت ہم پر وہ بھی آیا تھا کہ ایک شخص اپنے درہم و دینار کا حق دار اپنے مسلمان بھائی سے زیادہ کسی اور کو نہ سمجھتا تھا، اور وہ وقت آگیا ہے کہ درہم و دینار ہمارے نزدیک مسلمان بھائی سے زیادہ محبوب ہیں۔ میں رسول اﷲ ﷺ کو یہ فرماتے ہوئے سنا ہے : '' بہت سے لوگ قیامت کے دن اپنے پڑوسی کی وجہ سے لٹکے رہیں گے۔ پڑوسی کہے گا : ''اے میرے پروردگار! یہ شخص میرے لیے اپنا دروازہ بند رکھتا تھا اور مجھے اپنے حسن سلوک سے محروم کردیا کرتا تھا۔ ( الادب المفرد)
حضرت ابن عباسؓ حضرت عبداﷲ بن زبیرؓ سے روایت کرتے ہیں کہ میں نے رسول اﷲ ﷺ کو یہ فرماتے ہوئے سنا ہے : '' وہ شخص مسلمان نہیں جو خود تو پیٹ بھر کر کھانا کھائے اور اُس کا پڑوسی بھوکا رہے۔''
حضرت عبداﷲ بن عمرو بن العاصؓ رسول اکرمؐ سے روایت نقل کرتے ہیں کہ آپؐ نے فرمایا : '' بہترین پڑوسی وہ ہے جو اپنے پڑوسی کے حق میں بہتر ہو۔''
حضرت نافع بن عبدالحارث ؓ نبی پاکؐ کا ارشاد نقل کرتے ہیں کہ آپؐ نے فرمایا : '' نیک پڑوسی کا مل جانا مسلمان بندے کی خوش قسمتی ہے۔''
ایک اور حدیث میں آتا ہے، رسولِ اکرمؐ نے ارشاد فرمایا کہ : قیامت اُس وقت تک برپا نہیں ہوگی جب تک کہ لوگ اپنے پڑوسی کو قتل نہ کرنا شروع کردیں گے۔ '' ( الادب المفرد)
ہمیں ہر حال میں اپنے پڑوسیوں چاہے ان کا تعلق کسی بھی مذہب و ملت سے بھی ہو، کے حقوق کا اسلام کے احکامات کی روشنی میں ازحد خیال رکھنا چاہیے۔
اسلام نے انسان کی معاشرتی زندگی کے لیے ایسی روشن تعلیمات اور ایسے سنہری اُصول مقرر فرما رکھے ہیں کہ دُنیا کا کوئی بھی انصاف پسند اور ذی عقل شخص یا مذہب فطری طور پر نہ اُن کو جھٹلا سکتا ہے اور نہ ہی اُن سے سرمو اختلاف کرسکتا ہے۔ اس لیے کہ اسلام نے صرف مذہب اسلام اور مسلمانوں کے حقوق کی ادائی و پاس داری کا سبق نہیں دیا بل کہ اُس نے مذہب اور مسلک کی تفریق کیے بغیر انسانی فطرت کو سامنے رکھتے ہوئے دُنیا بھر کے تمام دیگر ادیان و مذاہب کے پیروکاروں کے حقوق کی پاس داری کا بھی ہمیں درس دیا ہے۔ اسلام کی ان روشن تعلیمات اور اُس کے ان سنہری اُصول و ضوابط پر اگر مکمل طور پر عمل درآمد کیا جائے تو یہ بات دعوے سے کہی جاسکتی ہے کہ تمام دُنیا عافیت و سلامتی کا گہوارہ بن جائے۔
آپ معاشرتی زندگی کا صرف یہ ایک پہلو '' ہم سایہ اور پڑوس'' ہی کو لے لیں اور اسلامی تعلیمات کی روشنی میں اس کے حقوق کی ادائی و پاس داری کا مطالعہ فرمائیں اور دیکھیں کہ اس نے اپنی روشن تعلیمات اور اپنے سنہرے اُصول و قواعد کی روشنی میں اس کے حقوق کو کس طرح اجاگر کیا ہے۔
حضورِ اقدس ؐ کا ارشاد گرامی ہے : '' جو شخص اﷲ تعالیٰ پر اور آخرت کے دن پر ایمان رکھتا ہے، اُس کو چاہیے کہ مہمان کا اکرام کرے اور اپنے پڑوسی کو نہ ستائے اور زبان سے کوئی بات نکالے تو بھلائی کی نکالے ورنہ خاموش رہے۔'' ( بخاری و مسلم )
گویا پڑوسی کے حق کا سب سے ادنیٰ درجہ یہ بتایا گیا کہ اس کو کسی قسم کی کوئی تکلیف نہ پہنچائے اور یہ اُس کا بہت ہی ادنیٰ درجے کا حق ہے، ورنہ دوسری روایات میں پڑوسی اور ہم سایے کے حق کے متعلق بہت زیادہ تاکید وارد ہوئی ہیں۔
ایک مرتبہ حضورِ اقدس ؐ نے صحابہ کرامؓ سے پوچھا : '' جانتے ہو کہ پڑوسی کا کیا حق ہے؟
(اور پھر خود ہی ارشاد فرمایا) اگر وہ تجھ سے مدد چاہے تو اُس کی مدد کر، اگر قرض مانگے تو اُس کو قرض دے، اگر محتاج ہو تو اُس کی اعانت کر، اگر بیمار ہو تو اُس کی عیادت کر، اگر مرجائے تو اُس کے جنازے میں شریک ہو، اگر اُس کو خوشی حاصل ہو تو مبارک باد دے، اگر اُس کو مصیبت پہنچے تو تعزیت کر، بغیر اُس کی اجازت کے اُس کے مکان کے پاس اپنا مکان اُونچا نہ کر کہ جس سے اُس کی ہوا رُک جائے۔
اگر تو کوئی پھل خریدے تو اس کو بھی ہدیہ دے، اور اگر یہ نہ ہوسکے تو اُس پھل کو ایسی طرح پوشیدہ گھر میں لا کہ وہ نہ دیکھ سکے اور اُس کو تیری اولاد باہر لے کر نہ نکلے تاکہ پڑوسی کے بچے اس کو دیکھ کر رنجیدہ نہ ہوں، اور اپنے گھر کے دُھویں سے اُس کو تکلیف نہ پہنچا مگر اُس صورت میں کہ جو پکائے اُس میں سے اُس کا بھی حصہ نکالے۔ ( پھر فرمایا) تم جانتے ہو کہ پڑوسی کا کتنا حق ہے؟ قسم ہے اُس پاک ذات کی کہ جس کے قبضے میں میری جان ہے کہ اُس کے حق کو اُس کے سوا کوئی نہیں جانتا جس پر اﷲ رحم کرے۔'' (الاربعین، فتح الباری)
ایک حدیث میں آتا ہے کہ حضورِ اقدسؐ نے تین مرتبہ فرمایا : ''اﷲ کی قسم مومن نہیں ہے، اﷲ کی قسم مومن نہیں ہے، اﷲ کی قسم مومن نہیں ہے۔'' کسی نے عرض کیا یا رسول اﷲ ﷺ ! کون؟'' آپؐ نے فرمایا: '' وہ شخص کہ جس کا پڑوسی اُس کی مصیبتوں سے مامون نہ ہو۔'' ( بخاری، مسلم، مشکوٰۃ)
ایک اور حدیث میں آتا ہے : '' جنت میں وہ شخص داخل نہ ہوگا جس کا پڑوسی اُس کی مصیبتوں سے مامون نہ ہو۔ ''
حضرت ابن عمر ؓ اور حضرت عائشہؓ دونوں حضورِ اقدسؐ کا یہ ارشاد نقل کرتے ہیں : '' حضرت جبریل ؑ مجھے پڑوسی ( کے حقوق کا خیال رکھنے ) کے بارے میں اس قدر تاکید کرتے رہے کہ مجھے یہ گمان ہونے لگا کہ پڑوسی کو وارث بنا کر چھوڑیں گے۔'' ( مشکوٰۃ)
اسی طرح قرآن مجید میں اﷲ تعالیٰ فرماتے ہیں، ترجمہ: '' تم اﷲ تعالیٰ کی عبادت کرو اور اُس کے ساتھ کسی چیز کو شریک مت کرو، اور اپنے والدین اور رشتے داروں اور یتیموں اور غریبوں اور قریب والے پڑوسی اور دور والے پڑوسی اور اپنے ساتھ اُٹھنے بیٹھنے والے ساتھی اور مسافر کے ساتھ حسن سلوک اور اچھا معاملہ کرو۔'' ( النساء )
پاس والے پڑوسی سے مراد یہ ہے کہ اُس کا مکان قریب ہو اور دُور والے پڑوسی سے مراد یہ ہے کہ اُس کا مکان دُور ہو۔ حضرت حسن بصریؒ سے کسی نے پوچھا : '' پڑوس کہاں تک ہے؟ '' آپؒ نے فرمایا : '' چالیس مکان آگے کی جانب اور چالیس پیچھے کی جانب، چالیس دائیں جانب اور چالیس بائیں جانب۔''
حضرت ابن عباسؓ نے اس کی تشریح یوں کی کہ پاس کا پڑوسی وہ ہے جس سے قرابت ہو اور دُور کا پڑوسی وہ ہے جس سے قرابت نہ ہو۔'' نوف شامیؒ سے نقل کیا گیا ہے کہ قریب کے پڑوسی سے مراد مسلمان پڑوسی ہے اور دُور کے پڑوسی سے مراد یہود و نصاریٰ اور غیر مسلم پڑوسی ہیں۔'' ( درمنثور )
حضورِ اقدس ؐ نے ارشاد فرمایا : '' پڑوسی تین طرح کے ہوتے ہیں۔ ایک وہ پڑوسی کہ جس کے تین حق ہوں: پڑوس کا حق، رشتے داری کا حق اور اسلام کا حق۔ دوسرا وہ پڑوسی کہ جس کے دو حق ہوں : پڑوس کا حق اور اسلام کا حق۔ تیسرا وہ پڑوسی کہ جس کا ایک حق ہو : وہ غیر مسلم پڑوسی ہے۔''
امام غزالیؒ یہ حدیث نقل کرنے کے بعد فرماتے ہیں : '' دیکھو! اس حدیث میں محض پڑوسی ہونے کی وجہ سے کافر کا حق بھی مسلمان پر قائم فرمایا ہے۔'' ( فضائل صدقات )
ایک مرتبہ حضرت ابن عمرؓ کے غلام نے ( آپؓ کی ) ایک بکری ذبح کی۔ آپؓ نے اُس سے فرمایا: ''جب اس کی کھال اُتار چکو تو سب سے پہلے اس کے گوشت میں سے میرے یہودی پڑوسی کو دینا۔ کئی مرتبہ یہی فرمایا۔ غلام نے عرض کیا : '' آپ کتنی مرتبہ یہ بات ارشاد فرماتے رہیں گے؟ حضرت ابن عمرؓ نے فرمایا: '' میں نے حضورِ اقدس ؐ سے سنا کہ وہ فرماتے تھے : '' مجھے حضرت جبریل ؑ بار بار پڑوسی ( کے حقوق کا خیال رکھنے) کے متعلق تاکید فرماتے رہے ( اس لیے میں بھی بار بار یہ الفاظ دہرا رہا ہوں۔'' (فضائل صدقات)
علقمہ بن بجالہؒ حضرت ابوہریرہ کا یہ ارشاد نقل فرماتے ہیں : ''(بھلائی کی ابتدا) نزدیک کے پڑوسی کو چھوڑ کر دُور کے پڑوسی سے نہیں کرنی چاہیے، اس لیے کہ ایسا کرنا نزدیک والے پڑوسی کے لیے ( اُس کے حق میں حسن سلوک کا ) دروازہ بند کرنے کے مترادف ہے۔'' (الادب المفرد)
حضرت ابن عمرؓ سے مروی ہے : ایک زمانہ یا ایک وقت ہم پر وہ بھی آیا تھا کہ ایک شخص اپنے درہم و دینار کا حق دار اپنے مسلمان بھائی سے زیادہ کسی اور کو نہ سمجھتا تھا، اور وہ وقت آگیا ہے کہ درہم و دینار ہمارے نزدیک مسلمان بھائی سے زیادہ محبوب ہیں۔ میں رسول اﷲ ﷺ کو یہ فرماتے ہوئے سنا ہے : '' بہت سے لوگ قیامت کے دن اپنے پڑوسی کی وجہ سے لٹکے رہیں گے۔ پڑوسی کہے گا : ''اے میرے پروردگار! یہ شخص میرے لیے اپنا دروازہ بند رکھتا تھا اور مجھے اپنے حسن سلوک سے محروم کردیا کرتا تھا۔ ( الادب المفرد)
حضرت ابن عباسؓ حضرت عبداﷲ بن زبیرؓ سے روایت کرتے ہیں کہ میں نے رسول اﷲ ﷺ کو یہ فرماتے ہوئے سنا ہے : '' وہ شخص مسلمان نہیں جو خود تو پیٹ بھر کر کھانا کھائے اور اُس کا پڑوسی بھوکا رہے۔''
حضرت عبداﷲ بن عمرو بن العاصؓ رسول اکرمؐ سے روایت نقل کرتے ہیں کہ آپؐ نے فرمایا : '' بہترین پڑوسی وہ ہے جو اپنے پڑوسی کے حق میں بہتر ہو۔''
حضرت نافع بن عبدالحارث ؓ نبی پاکؐ کا ارشاد نقل کرتے ہیں کہ آپؐ نے فرمایا : '' نیک پڑوسی کا مل جانا مسلمان بندے کی خوش قسمتی ہے۔''
ایک اور حدیث میں آتا ہے، رسولِ اکرمؐ نے ارشاد فرمایا کہ : قیامت اُس وقت تک برپا نہیں ہوگی جب تک کہ لوگ اپنے پڑوسی کو قتل نہ کرنا شروع کردیں گے۔ '' ( الادب المفرد)
ہمیں ہر حال میں اپنے پڑوسیوں چاہے ان کا تعلق کسی بھی مذہب و ملت سے بھی ہو، کے حقوق کا اسلام کے احکامات کی روشنی میں ازحد خیال رکھنا چاہیے۔