سپریم کورٹ نے اپنے حکم میں کہیں نہیں کہا کہ وزیر اعظم کو گرفتار کیا جائےفاروق نائیک

وفاقی وزیر قانون فاروق ایچ نائیک نے کہا ہے کہ سپریم کورٹ کے حکم میں کہیں نہیں کہا گیا کہ وزیراعظم کو گرفتار کیا جائے۔


فاروق ایچ نائیک نے کہا کہ نگراں وزیراعظم کا انتخاب کرنے میں عدلیہ اورفوج کو شامل کرنے کا مطالبہ آئین کے منافی ہےاوراگر کوئی یہ چاہتا ہے کہ الیکشن کمیشن میں تبدیلی کی جائے تو اس کے لئے پہلے آئین میں ترمیم کرنی ہوگی۔ انہوں نے کہا کہ20 سے 25ہزارافراد کو سڑکوں پر لا کراحتجاج کرنا ملک کوبدنام کرنے کے مترادف ہے۔

وفاقی وزیر قانون نے کہا کہ اگرتمام ادارے اپنے اپنے دائرہ کارمیں رہ کرکام کریں توملک میں جمہوریت پروان چڑھے گی۔ انہوں نے ڈاکٹر طاہر القادری سےدرخواست کی کہ وہ کوئی ایسا کام نہ کریں جس سے جمہوریت کو نقصان پہنچے۔