پریتی اور سیف آئی پی ایل میں کمنٹری کریں گے

بالی ووڈ کی ڈمپل گرل پریتی زنٹا اور چھوٹے نواب سیف علی خان ایک ساتھ انڈین پریمیئرلیگ کے سیزن 10 کے پہلے میچ کی کمنٹری کریں گے۔

بالی ووڈ اسٹارز پریتی زنٹا اور سیف علی خان کی جوڑی ماضی میں سپرہٹ رہی ہے اور انہوں نے کئی فلموں میں ایک ساتھ کام کیا ہے جس میں ''کیا کہنا''،''دل چاہتا ہے''،''کل ہو نا ہو'' اور ''سلام نمستے'' شامل ہیں اور اب دونوں اداکاروں کی جوڑی 12 سال بعد ایک ساتھ نظرآنے والی ہے۔


پریتی زنٹا اور سیف علی خان کی جوڑی طویل عرصے بعد ایک ساتھ نظر آئے گی لیکن یہ جوڑی سلور اسکرین پر نہیں بلکہ اب کرکٹ کے میدانوں میں دکھائی دے گی اوردونوں اسٹارز انڈین پریمیئر لیگ کے سیزن 10 کے 5 اپریل کو ہونے والے پہلے میچ میں کمنٹری کریں گے۔

چھوٹے نواب اپنی قریبی دوست پریتی زنٹا کی خواہش پر آئی پی ایل میں کمنٹری کے ذریعے ان کی فرنچائز کی ٹیم کنگز الیون پنجاب کی تشہیر کریں گے۔