شاہ عبداللطیف یونیورسٹی کے سالانہ امتحانات ملتوی

شاہ عبداللطیف یونیورسٹی کے زیراہتمام آج ہونے والے بی ایس سی، بی کام اور ایم اے کےسالانہ امتحانات ملتوی کردیئے گئے، مراکز پہنچنے والے ہزاروں طلبہ واپس لوٹ گئے۔


ایکسپریس نیوز کے مطابق سکھر، خیرپور، شکارپور، لاڑکانہ، گھوٹکی، جیکب آباد اور کشمور ميں بی ایس سی، بی اے، بی کام اور ایم اے کےسالانہ امتحانات جاری ہیں ، تاہم یونیورسٹی انتظامیہ نے آج ہونے والے بی ایس سی اور بی اے کا مطالعہ پاکستان کا پرچہ ملتوی کردیا ہے جبکہ ایم اے کے مختلف مضمونوں کے پرچے بھی موخر کردیئے گئے ہیں۔

کنٹرولر امتحانات کا کہنا ہے کہ وزیراعظم کے خلاف فیصلے کے بعد امن وامان کی صورتحال بگڑنے کا خدشہ ہے، جس کے پیش نظرپرچے ملتوی کئے گئے ہیں جبکہ ملتوی ہونے والے پرچے اب 28 جنوری کو لئے جائیں گے۔