گوادر میں ایئرپورٹ روڈ پر دھماکے سے 3 افراد زخمی
بم سڑک کنارے نصب کیا گیا تھا جس کے پھٹنے سے قریبی دکانوں کو بھی نقصان پہنچا
بم سڑک کنارے نصب کیا گیا تھا جس کے پھٹنے سے قریبی دکانوں کو بھی نقصان پہنچا، فوٹو؛ فائل
ایئرپورٹ روڈ پر دھماکے کے نتیجے میں 3 افراد زخمی ہوگئے جنہیں ڈسٹرکٹ ہیڈ کوارٹر اسپتال گوادر منتقل کردیا گیا۔
ایکسپریس نیوز کے مطابق گوادر میں ایئرپورٹ روڈ پر تخریب کاری کا واقعہ پیش آیا جہاں سڑک کنارے نصب دیسی ساختہ بم پھٹنے سے 3 افراد زخمی ہوگئے، واقعے کے بعد ریسکیو اہلکاروں نے جائے وقوعہ پر پہنچ کر زخمیوں کو ڈی ایچ کیو اسپتال منتقل کردیا جب کہ دھماکے سے قریبی دکانوں کو بھی جزوی نقصان پہنچا۔
پولیس اور قانون نافذ کرنے والے ادارے کے اہلکاروں نے جائے وقوعہ کو گھیرے میں لے کر واقعے کی تحقیقات شروع کردی ہیں جب کہ گوادر شہر کی سیکیورٹی مزید سخت کردی گئی ہے۔
دوسری جانب وزیراعلیٰ بلوچستان نواب ثنااللہ زہری نے دھماکے کی مذمت کرتے ہوئے کہا کہ دہشت گرد بزدلانہ کارروائیوں سے ترقی کا سفر نہیں روک سکتے۔ وزیراعلیٰ نے متعلقہ حکام کو دھماکے کے زخمیوں کو بہترین طبی امداد دینے کی بھی ہدایات کیں۔
ایکسپریس نیوز کے مطابق گوادر میں ایئرپورٹ روڈ پر تخریب کاری کا واقعہ پیش آیا جہاں سڑک کنارے نصب دیسی ساختہ بم پھٹنے سے 3 افراد زخمی ہوگئے، واقعے کے بعد ریسکیو اہلکاروں نے جائے وقوعہ پر پہنچ کر زخمیوں کو ڈی ایچ کیو اسپتال منتقل کردیا جب کہ دھماکے سے قریبی دکانوں کو بھی جزوی نقصان پہنچا۔
پولیس اور قانون نافذ کرنے والے ادارے کے اہلکاروں نے جائے وقوعہ کو گھیرے میں لے کر واقعے کی تحقیقات شروع کردی ہیں جب کہ گوادر شہر کی سیکیورٹی مزید سخت کردی گئی ہے۔
دوسری جانب وزیراعلیٰ بلوچستان نواب ثنااللہ زہری نے دھماکے کی مذمت کرتے ہوئے کہا کہ دہشت گرد بزدلانہ کارروائیوں سے ترقی کا سفر نہیں روک سکتے۔ وزیراعلیٰ نے متعلقہ حکام کو دھماکے کے زخمیوں کو بہترین طبی امداد دینے کی بھی ہدایات کیں۔