کراچی میں نامعلوم افراد کی ایک بار پھر ایم کیو ایم پاکستان کے خلاف چاکنگ

شہر قائد میں نامعلوم افراد ایک بار پھر متحرک ہو گئے ہیں اور انہوں نے ایم کیوایم پاکستان اور اس کے سربراہ فاروق ستار کے خلاف چاکنگ کر دی ہے۔



نامعلوم افراد کی جانب سے کراچی کے علاقے لیاقت آباد میں ایم کیو ایم پاکستان کی جانب سے لگائے گئے استقبالیہ کیمپ پر بھی چاکنگ کی گئی ہے۔


 



واضح رہے کہ 22 اگست کوبانی ایم کیو ایم الطاف حسین کی جانب سے پاکستان کے خلاف اشتعال انگیز تقریر کے بعد ایم کیو ایم پاکستان نے الطاف حسین سے لاتعلقی کا اعلان کیا تھا۔ اس سے قبل بھی متعدد بار کراچی کے مختلف علاقوں میں ایم کیو ایم پاکستان اور پی ایس پی کے خلاف وال چاکنگ کی جا چکی ہے۔