امریکی صدراوبامااورنائب صدرجوبائیڈن نےدوسری مدت کیلئےحلف اٹھالیا

امریکا کے صدر براک اوباما اور نائب صدر جوبائیڈن نےدوسری مدت کیلئے اپنے عہدے کاحلف اٹھالیاہے۔


امریکی صدر کی حلف برداری کی تقریب وائٹ ہاؤس میں منعقد کی گئی، اس موقع پر امریکی خاتون اول مشعل اوباما اور ان کے بچے بھی موجود تھے۔ اس سے قبل نائب امریکی صدر جو بائیڈن نے بھی دوسری مدت کے لئے اپنے عہدے کا حلف اٹھایا۔ ان کی حلف برداری کی تقریب دارالحکومت واشنگٹن ڈی سی میں ان کی رہائش گاہ پر ہوئی جس میں کئی امریکی عہدیداروں نے شرکت کی۔

واضح رہے کہ صدر براک اوباما اور نائب صدر جو بائیڈن کے عہدوں کی پہلی مدت آج ختم ہوگئی،اتوار کی وجہ سے وہ پیر کے روز دوبارہ اپنے عہدوں کا دوبارہ حلف اٹھائیں گے جس کے بعد براک اوباما عوام سے خطاب کریں گے۔