ٹی وی سے زیادہ شوز پر توجہ دے رہا ہوں غالب کمال

سینئر ادکار( مرحوم) سید کمال کے صاحبزادے اور ٹیلی ویژن، فلم کے اداکار ،کمپیئر وگلوکار غالب کمال نے کہا کہ گزشتہ چند سالوں میں ڈراموں میں ضرور تبدیلی آئی ہے،لیکن چند لوگوں کی اجاراداری کی وجہ سے نقصان بھی ہوا ۔


لابی سسٹم بڑھتا جارہا ہے جو باصلاحیت ہیں اور اچھا کام کرنا جانتے ہیں،یہ بات انھوں نے ایکسپریس سے بات چیت کرتے ہوئے کہی،انھوں نے کہا کہ میری توجہ ٹی وی ڈراموں سے زیادہ شوز کی جانب ہے ۔میں ان دنوں ملٹی نیشل کمپنیز کے پروگراموں میں بطور کمپئیر اور گلوکار مصروف ہوں نہ صرف کراچی بلکہ ملک بھر میں پروگراموں کی وجہ سے میری مصروفیات میں اضافہ ہوا ہے ،اگر کسی ڈرامہ میںاچھا کردار ملے گا توضرور کام کروں گا۔