امریکی شہر ہیوسٹن میں فائرنگ سے 3 افراد زخمی ملزم گرفتار
فائرنگ کا واقعہ ہیوسٹن کے لون اسٹار کالج میں پیش آیا،زخمی ہونے والے 3 افراد کو مقامی اسپتال منتقل کردیا گیا ہے۔
ہیوسٹن پولسی نے فائرنگ کے الزام میں ایک ملزم کو گرفتار کرلیا ہے۔ فوٹو: فائل
امریکی ریاست ٹیکساس کے شہر ہیوسٹن کے ایک کالج میں فائرنگ کے نتیجے میں 3 افراد زخمی ہوگئے ہیں جبکہ پولیس نے ایک ملزم کو گرفتار کرلیا ہے۔
امریکی میڈیا کے مطابق فائرنگ کا واقعہ ہیوسٹن کے لون اسٹار کالج میں پیش آیا جہاں ملزم نے خودکار ہتھیار کی مدد سے فائرنگ کردی۔ فائرنگ کے نتیجے میں زخمی ہونے والے 3 افراد کو مقامی اسپتال منتقل کردیا گیا ہے جہاں انہیں طبی امداد فراہم کی جارہی ہے جبکہ پولیس نے ایک ملزم کو بھی گرفتار کرلیا ہے۔
واضح رہے کہ گزشتہ ماہ ایک شخص نے اسکول میں فائرنگ کرکے 18 بچوں کو قتل کردیا تھا جس کے بعد امریکا کی درسگاہوں میں فائرنگ کے مختلف واقعات رونما ہوچکے ہیں جن کے بعد امریکی حکام نے ہتھیار رکھنے کے قانون میں ترامیم کا اعلان کیا ہے۔